Иванова Галина Петровна

Иванова Галина Петровна — Саха Республикатын Үөрэҕириитин туйгуна, Российскай Федерация уопсай үөрэхтээһинин Бочуоттаах үлэһитэ.

Үөһээ Бүлүү улууһун Г.Н. Чиряев аатынан Хоро орто оскуолатын омук тылын учуутала. 1980 сыллаахха Иркутскай куоракка Хо-Ши-Мин аатынан омук тылын үөрэтэр институту үөрэнэн бүтэрбитэ. Учуутал быһыытынан үлэтин 1980 сыллаахха Бүлүү улууһугар Сыдыбылга Чочу орто оскуолатыгар саҕалаабыта. 1984-1988 сылларга Хоро орто оскуолатыгар директоры иитэр үлэҕэ солбуйааччынан үлэлээбитэ.2007-2009 сылларга Бүлүүтээҕи Н.Г. Чернышевскай аатынан педагогическай колледжка английскай тыл учууталынан, студеннар практикаларын салайар отделение сэбиэдиссэйинэн үлэлээбитэ. 2010 сылтан Г.Н. Чиряев аатынан Хоро орто оскуолатыгар омук тылын учууталынан үлэлиир.