Федоров Владимир Николаевич

Бикипиэдьийэ диэн сиртэн ылыллыбыт
Перейти к навигации Перейти к поиску

Федоров Владимир Николаевич (1951.03.31) - ньуучча хоһоонньута, прозаик, тылбаасчыт. 1988 сылтан ССРС СС (Суруйааччылар Союзтарын) чилиэнэ.

Кэбээйи улууһугар Таас-Тумус диэн бөһүөлэккэ төрөөбүтэ. 1975 сыллаахха СГУ инженернай-техническай факультетын бүтэрэр. Геолог идэтин баһылыыр. Хас да сыл экспедицияларга сылдьан баран суруналыыс идэтигэр көһөр. "Молодежь Якутии" уонна "Социалистическая Якутия" хаһыаттарга суруналыыстыыр. Ону тэҥҥэ Дьокуускайга "Горизонт" диэн литературнай түмсүүнү салайар. 1983 сылтан уон сыл устата "Полярная звезда" сурунаал сүрүн редактора.

В. Федоров VIII-с Бүтүн Холбоһук эдэр суруйааччыларын сүбэлэрин кыттыылааҕа. Кини хоһоонноро өрөспүүбүлүкэтээҕи уонна киин хаһыаттарга уонна сурунаалларга, "Молодая гвардия" уонна "Современник" хомуурунньуктарга бэчээттэммиттэрэ. Сорох хоһоонноро тас дойдуларга тахсыбыттара. "Звезда в снегу" диэн бастакы кинигэтин 1982 сыллаахха таһаарбыта. Кини хоһоонноругар олоҕурбут хас да биллэр ырыа баар.

Прозаҕа таһаарыылаахтык үлэлээбитэ, ону тэҥҥэ талааннаах тылбаасчыт. Ньуучча тылыгар саха, эбээн, дьүкээбил уонна эбэҥки суруйааччыларын айымньыларын тылбаастаабыта (Н. Якутскай, А. Сыромятникова, А. Старостин, А. Кривошапкин, Н. Абыйчанин, Улуро Адо, Н. Калитин уо.д.а.).

Кинигэлэр[уларыт | биики-тиэкиһи уларытыы]

  • Звезда в снегу. Стихи. - Якутск, 1982.
  • Автограф души. Стихи. - Якутск, 1986.
  • Западно-германский репортаж. Путевые очерки. - Якутск, 1986.
  • Осилит идущий. (О стр-ве АЯМ.) - Якутск, 1988.
  • Красный ангел. Стихи. - Якутск, 1991.
  • Звезда голуболикой Жаннет. Повести. - Якутск, 1993.

Сигэлэр[уларыт | биики-тиэкиһи уларытыы]