Сиэн Кынат

Сиэн Кынат (Старостин Анатолий Гаврилович) — саха бэйиэтэ, ССРС суруйааччыларын сойууһун чилиэнэ (1984).

Олоҕун олуктара

Түүлээх нэһилиэгин Кылаайы сэлиэнньэтигэр Уус-Алдан улууһугар от ыйын 3 күнүгэр 1946 с. төрөөбүтэ. 1968 сыллаахха Дьокуускайдааҕы художественнай училищены живописно-педагогическай салаатын бүтэрбитэ.
1973 сыллаахха А. М. Горькай аатынан литературнай үнүстүүтү бүтэрбитэ.
Сэбиэскэй Аармыйа кэккэтигэр сулууспалаабыта.

Үлэлээбит сирдэрэ:

Уус-Алдан улууһун хаһыата, худуоһунньук-оформитель, эппиэттиир секретарь

П. Ойуунускай аатынан Литература түмэлэ, научнай үлэһит, директор

«Саха Сирэ» хаһыат редакцията, эппиэттиир секретарь солбуйааччыта

Айар үлэтэ

Бастакы хоһоонноро 1961 сыллаахха бэчээттэммиттэрэ. Хоһооннорун бастакы хомуурунньуга «Аал уоппар итэҕэлим» 1973 сыллаахха күн сирин көрбүтэ. А. Старостин айымньылара республика уонна киин сурунаалларга нууччалыы, о. д. а. омук тылларынан бэчээттэммиттэрэ. Кини хоһоонноругар олоҕуран биллэр сэбиэскэй композитор В. Веселов «Река моя Лена» диэн биэс пастораллаах вокальнай цикл оҥорор. А. Старостин Полтаваҕа буолбут Х-с Бүтүн Холбоһук эдэр хоһоонньуттарын фестивалыгар кыттар.

Кинигэлэрэ

Аал уоппар итэҕэлим: Хоһооннор. — Дьокуускай: Кинигэ кыһата, 1973. — 96 с.
Алгыстаах айаным: Хоһооннор, поэмалар. — Дьокуускай: Кинигэ кыһата, 1991. — 61 с.
Охсуллубут от: Сомоҕо хоһооннор. — Дьокуускай: «Бичик», 1996. — 176 с.
Благословление: Стихи. — Дьокуускай: Кинигэ кыһата, 1982. — 31 с.
Северная мозаика: Стихи. — М.: «Современник», 1985. — 158 с.
Ытык аналым. Хоhооннор. — Дьокуускай, 1979.
Река моя Лена. Пять пасторалей. — Л.: «Музыка», 1983.
Таптал умсулҕана: санаайыктар, суруктар, хоһооннор. - Дьокуускай: Бичик, 2015. - 224 с.

Сигэлэр

Писатели земли олонхо. Библиографическай ыйынньык. Дьокуускай: «Бичик», 2000. — ISBN 5-7696-1001-8
Якутский государственный литературный Музей имени П. А. Ойунского:Старостин Анатолий Гаврилович — Сиэн Кынат
Cтаростин Анатолий Гаврилович Архыыптаммыт 2016, Сэтинньи 4 күнүгэр.