Титов Нестер Яковлевич

Титов Нестер Яковлевич - Сунтаар улууһун Л.А. Попов аатынан Арыылаах орто оскуолатын устуоруйа уонна уопсастыба үөрэҕин үрдүк категориялаах учууталынан 45 сыл үлэлээбитэ. Саха Өрөспүүбүлүкэтин үөрэҕин туйгуна, Саха Өрөспүүбүлүкэтин үтүөлээх үлэһитэ.

Олоҕун олуктара

1938 сыл атырдьах ыйын 5 күнүгэр Сунтаар улууһун Уһун Күөл сэлиэнньэтигэр холкуостаах дьиэ кэргэнигэр төрөөбүтэ.1977-1982, 1990-1993 сс. Арыылаах сельсоветын бэрэссэдээтэлинэн, нэһилиэк сходун бэрэссэдээтэлинэн, нэһилиэк бастакы баһылыгынан, 1986-1990 сс. Арыылаах орто оскуолатын дириэктэринэн үлэлээбитэ. 1965 сылтан "Знание" уопсастыба лиэктэрэ. 2005 сыллаахха "Знание" уопсастыба Сүрүннүүр лиэктэрэ бэлиэнэн наҕараадаламмыта. 1980 сыллаахха "Ильич уоттара" хаһыат бастыҥ харыспандьыанын аатын ылбыта. 1992 с. саха норуотун бастакы Кэнгириэһин делегата. Билигин Дьокуускай куоракка бочуоттаах сынньалаҥҥа олорор, өрөспүүбүлүкэ, төрөөбүт улууһун хаһыаттарыгар элбэхтик бэчээттэнэр, "Арыылаах 100 сыла" кинигэ тахсарыгар улахан көмөнү оҥорбута, төрөөбүт кыраайын үөрэтиинэн дьарыктанар.

Кинигэлэрэ:

Арыылаах нэһилиэгин историята (2015) Арыылааҕым - мин суруйууларбар (2018)