Л.А. Попов аатынан Арыылаах орто оскуолата

Бикипиэдьийэ диэн сиртэн ылыллыбыт
Перейти к навигации Перейти к поиску

Л.А. Попов аатынан Арыылаах орто оскуолата Сунтаар улууһун Уһун Күөл сэлиэнньэтигэр баар орто оскуола

Оскуола остуоруйата[уларыт | биики-тиэкиһи уларытыы]

1930с. БСК(б) КК-та "Булгуччулаах бүттүүн алын сүһүөх үөрэхтээһин туһунан" уурааҕы ылыммыта. 1932 с. оскуолаҕа үөрэтэр программалар саҥалыы оҥоһуллубуттара, саҥа үөрэх кинигэлэрэ бэчээттэммиттэрэ. Ити соругу толоруу Саха сирин уһук нэһилиэктэригэр иннилэригэр эмиэ турбута. 2-ч Дьаархан нэһилиэгэр (билиҥҥи Арыылаах нэһилиэгин сирэ-уота эмиэ киирэрэ) 1931-32 үөрэх сылыгар 2 бөлөхтөөх оскуола аһыллыбытын туһунан 1932 с. балаҕан ыйын 19 күнүгэр оскуола бастакы дириэктэрин Лазарев Афанасий Андреевич 1932-33 үөрэх сылынааҕы отчуотуттан биллэр. Оскуола бастакы дириэктэрэ - Лазарев А.А., бастакы учууталлар - Томская Е.И., Васильев А.Н. Оскуола бастакы дьиэтинэн Л.А. Попов аҕата Попов Андрей Николаевич күһүн отордуур сиригэр, Кулуһуннаах сыһыытын хоту эҥэригэр турбут дьиэтэ-уота буолбута. 1932 сыллаахха 145 оҕо үөрэнэн саҕалаабыт, ону таһынан оскуола учууталлара 33 улахан киһини ааҕарга, суруйарга үөрэппиттэрэ. 1933 сыллаахха оскуола алын сүһүөх оскуолата буолбута, дириэктэринэн Колесников Г.А. анаммыта. 1935-36 үөрэх сылын түмүгүнэн оҕо ахсаана 189 буолбута. 1939-40 үө.с. 5-с кылаас, 1940-41 үө.с. 6-с кылаас, 1942-43 үө.с. 7-с кылаас аһыллан ситэтэ суох орто оскуола буолбута. 1970-71 үө.с. орто оскуола буолбута. [1]

  1. Титов Н.Я. Арыылаах нэһилиэгин историята. М., 2015