Таривердиев Микаэл

Бикипиэдьийэ диэн сиртэн ылыллыбыт
Таривердиев Микаэл Леонович

Микаэл Леонович Таривердиев — сэбиэскэй уонна российскай композитор, РСФСР норуот артыыһа (1986), аатырбыт сэбиэскэй киинэлэргэ (холобур, «Семнадцать мгновений весны», «Ирония судьбы») музыка суруйбута.

1931 сыллаахха атырдьах ыйын 15 күнүгэр Тбилиси куоракка төрөөбүт, 1996 сыллаахха от ыйын 25 күнүгэр Сочига өлбүт.

Айар үлэтэ[уларыт | куодун уларытыы]

132 киинэҕэ музыка суруйбутун таһынан камернай вокальнай цикллар, түөрт балет, түөрт опера, оргаан музыкатын ааптардара. Аатырбыт Арам Хачатурян үөрэнээччитэ (Гнесиннар ааттарынан педагогическай институут композиция кылааһын 1957 с. бүтэрбит), бэйэтэ композитор быһыытынан Москуба консерваториятын Улахан саалатыгар дебюттаабыта — кини романстарын ол саҕана биллиилээх камернай ырыаһыт Зара Долуханова толорбута. Кини «Кто ты?» диэн оператынан Борис Покровскай Камернай театра саҕаламмыта. «Граф Калиостро» диэн көрдөөх операта билигин да бу театр саамай репертуарнай оператын быһыытынан биллэр уонна араас дойдуларга гастроль кэмигэр көрдөрүллүбүтэ.

Олоҕун бүтэһик сылларыгар Микаэл Таривердиев инструментальнай музыкаҕа элбэхтик үлэлээбитэ.

Өссө маны көр[уларыт | куодун уларытыы]

Таривердиев официал саайта