Слепцов Вонифатий Харлампьевич - Балапаат баай

Бикипиэдьийэ диэн сиртэн ылыллыбыт
Перейти к навигации Перейти к поиску

Слепцов Вонифатий Харлампьевич - Балапаат баай (1852-1924)

Таатта улууһун I Дьохсоҕон нэһилиэгин Түөкэй аҕатын ууһуттан төрүттээх. Ийэтин нуучча дьахтара Ефросинья Плотникова хаана лаппа баһыйан кытархай баттахтаах, толору эттээх-сииннээх толуу киһи эбитэ үһү. Балапааттар олохторо Ытык Күөлтэн биир көс курдук Наммара үрэҕин батыһа сытар Ытык Тириитэ, Сөхпүт диэн алаастарга баара.

Балапаат — эдэр сааһыттан, айаны-сырыыны кыайар буолан, Охотскайга, Өймөкөөҥҥө куорат атыыһыттарын үтүмэн үгүс таһаҕастарын көтөхпүт, булугас-талыгас өйүнэн, сатабылынан улаханнык байбыт киһи. Охотскай—Дьокуускай телеграф линията тутулларыгар кини ыпсарыытаах кэпсэтиитинэн нэһилиэгин дьоно хас да сыл харчылаах үлэҕэ сылдьан туһа таһаарыммыттара.

Балапаат оҕонньор үс уола: Григорий, Терентий, Пётр улуустарыгар уонна куоракка киэҥник биллэр, ытыктанар, аныгылыы көрүүлээх дьон этилэр. В.Х. Слепцов удьуор ыччаттара, алтыс-сэттис көлүөнэтигэр тиийэ төрөөн-ууһаан, 230 тахса киһи Дьокуускайга, улуустарга, Саха сирин тас өттүгэр да олороллор.

Дьохсоҕон кырдьаҕастара кэпсииллэринэн Балапаат оҕонньор көнө-көрсүө майгылаах, кыра-хара дьону атаҕастаабатах киһи эбитэ үһү.[1].

Быһаарыылар[уларыт | биики-тиэкиһи уларытыы]

  1. Слепцов Н.М. Сэдэх хаартыска туһунан. Күрүлгэн. 2012