Слепцов Георгий Николаевич

Бикипиэдьийэ диэн сиртэн ылыллыбыт

Слепцов Георгий (Егор) Николаевич (1854 - ?) - байыаннай мэдиссиинэ сулууспатын подполковнига, хирург, сахаттан аан бастакы үрдүк үөрэхтээх быраас.

Арҕаа Хаҥалас улууһун Сата (сорох төрүт этэринэн 1 Малдьаҕар) нэһилиэгиттэн төрүттээх. 1875 сыллаахха Дьокуускайдааҕы 6 кылаастаах прогимназияны бүтэрбит.

1876 сыллаахха атырдьах ыйыгар Арҕаа Хаҥалас улууһун Дьэр нэһилиэгин кинээһин П.М. Боппосов тылбаасчытынан Ориенталистар аан дойдутааҕы үһүс кэҥгириэстэригэр барсыбыт. Онно Саха сирин дэлэгээссийэтэ Саха уобалаһын төрүт олохтоохторун олоҕун-дьаһаҕын көрдөрбүт. Улуус олохтоохторо дэлэгээттэргэ айаҥҥа харчы хомуйбуттар, ол иһигэр Слепцовка тус бэйэтигэр үнүбэрсиэккэ киирэригэр анаан 1 тыһыынча солкуобайы.

Георгий Николаевич Слепцов 1877-с сыллар эргин Санкт-Петербурдааҕы Байыаннай Медицинскэй Академияны сахалартан бастакынан бүтэрбит. Аатырбыт хирург Н. И. Пирогов топографическэй анатомияҕа, госпитальнай, оперативнай хирургияҕа лиэксийэлэрин истибит; химик А. П. Бородин профессорга үөрэммит (аатырбыт композитор быһыытынан ордук биллэр); аатырбыт академик С. П. Боткиҥҥа терапияҕа үөрэммит. Хирург аатын ылан Москуба байыаннай клиникатыгар үлэҕэ ыытылллыбыт. 1896 сыллаахха онно үлэлии сырыттаҕына байыаннай мэдиссиинэ сулууспатын подполковник сыбаанньата [1].

Кини кэлин ыксары байан, улахан помещик буолбут. Итиэннэ: «Саха дьоно кэллэхтэринэ, киллэримэҥ», — диэн бэйэтин чаҕар үлэһиттэригэр дьаһал биэрбит диэн кырдьыга-сымыйата биллэр кыаҕа суох үһүйээн баар[2].

2019 сыллаахха Булгунньахтаахха Слепцовка аналлаах стела туруорбуттара[3].


Быһаарыылар[уларыт | биики-тиэкиһи уларытыы]

  1. Саха сирин энциклопедическэй тылдьыта, СӨ Билимин акадьыамыйата, ISBN 978-5-02-038710-0, 2018, Новосибирскэй, Наука, С.520, 393 с.
  2. «Кыым» хаһыат, 15.04.2007. «Саха бастакы үрдүк үөрэхтээхтэрэ», Иннокентий Неустроев
  3. М. Колбасина и др. Республика Саха 2019. — Якутск: Бичик, 2020. — С. 201. — 280 с. — 3180 экз. — ISBN 978-5-471-00786-4