Сивцев Эллэй Семенович

Сивцев Эллэй Семенович (31.12.1928—15.06.1994) — саха норуодунай худуоһунньуга.

Олоҕун олуктара

• 1928 сыллаахха ахсынньы 31 күнүгэр Нам улууһун Хатыҥ-Арыы нэһилиэгэр төрөөбүт.

Аҕата — Семен Тимофеевич (1905—1942), Гражданскай сэрии кыттыылааҕа, учуутал, Нам «Кыһыл дэриэбинэ» колхуоһун бастакы бэрэссэдээтэлэ. 1937 сыллаахха репрессияҕа түбэспит. Аҕа дойду Улуу сэриитэ саҕаламмытыгар баҕа санаатынан сэриигэ барбыт, сэрииттэн төннүбэтэх.

Ийэтэ — Анастасия Егоровна Сивцева (1910—2001), норуот уран, сахалыы иис маастара.

• 1945 с. — Дьокуускайдааҕы уус-уран училищеҕа үөрэнэ киирбит. Училищены бүтэрэн, үөрэҕин В. И. Суриков аатынан Москватааҕы Государственнай уус-уран институтка графика салаатыгар салҕаабыт.
• 1950—1956 сс. — профессор Е. А. Кибрик мастерскойугар үөрэммит.
• 1994 сыллаахха бэс ыйын 15 күнүгэр Дьокуускайга өлбүт.

Айымньылара

• «За власть Советов в Якутии» (1966)
• «Сказители» (триптих) (1966)
• «Якутские национальные игры» (1969)
• «Якутские мотивы» (1968)
• «Якутские женщины» (1968)
• «Труженики Севера» 1976
• «Сельская молодежь» (1978)
• «Гость» (1978)
• «Зима» (1980)
• «В родном краю» (1984)
• «Шаманы» (1990)
• Колхозник Павлов Тит Платонович (1966, акварель)
• Заслуженный механизатор ЯАССР Е. Е. Гоголев (1975, пастель)
• Заслуженный учитель ЯАССР П. А. Марков (1975, пастель)
• Участник Отечественной войны В. С. Винокуров (1975, пастель)
• Алексей Кулаковский (1986)

Худуоһунньуктар В. С. Карамзины, И. Д. Корякины кытта Сивцев «Дьулуруйар Ньургун Боотур» олоҥхону ойуулаабыта.

Наҕараадалара уонна ытык ааттара

• Российскай Федерация үтүөлээх худуоһунньуга
• Саха АССР норуодунай худуоһунньуга
• Саха Сирин комсомолун бириэмийэтин лауреата
• «Бочуот Знага» уордьан

Өссө маны көр

Саха норуодунай худуоһунньуктара

Сивцев Э. С. туһунан

• Босиков Н. Россия үтүөлээх художнига / / «Хотугу сулус» — 1976. — № 7. — С. 98—101.
• Босиков Н. Эллэй Сивцев үс үөрүүтэ / / «Эдэр коммунист» — 1971. — От ыйын 14 к.
• Габышев Л. График Эллэй Сивцев / / «Кыым» — 1971. — Муус устар 25 к.
• Семенов В. Художник дьоло / / «Эдэр коммунист» — 1979. — Олунньу 25 к.

Сигэлэр

• ЦНИТ ЯГУ:Эллэй Сивцев Архыыптаммыт 2013, Бэс ыйын 12 күнүгэр.
• Национальная библиотека Республики Саха (Якутия):75 лет со дня рождения Э. С. Сивцева, заслуженного художника РСФСР, народного художника ЯАССР, лауреата премии Ленинского комсомола Якутии, графика Архыыптаммыт 2016, Кулун тутар 5 күнүгэр.