Рязанскай Афанасий Петрович

Бикипиэдьийэ диэн сиртэн ылыллыбыт
Перейти к навигации Перейти к поиску
Афанасий Петрович Рязанскай

Афанасий Петрович Рязанскай (1873 с. тохсунньу 1 күнэ - 1930 (?)) —- Амма улууһун бастакы кулубата.

3-с Чакырга (билигин Амма улууһун сирэ) төрөөбүт. Ааҕарга-суруйарга сыылынай Натансоҥҥа Абаҕаҕа үөрэммит. Онтон Дьокуускайга киирэн реальнай училище 4 кылааһын бүтэрбит.

1912 сыллаахха Амма нэһилиэктэрэ Боотур уус улууһуттан арахсан туспа улуус буолбуттара, Рязанскай бастакы кулуба буолбута. Икки сылынан бэрик ылла диэн ууратыллыбыта.

Суруйар дьоҕурдааҕа дииллэр, Баһылай Никифоров хаһыаттарыгар кини икки тылынан суруйуулара утумнаахтык тахсаллара.

1921 сыллаахха Чурапчыга буолбут ВЯОНУ сийиэһин кыттыылааҕа. Охуоскайга күрүүр. 1927 сыллаахха тутуллан хаайыллар, ол эрээри сотору босхолонор. Сэбиэскэй тэрилтэлэргэ үлэҕэ киирэр, Наркомзем чилиэнэ буолар.

1929 (сороҕор 1930 дииллэр) сыллаахха Артемьев М. өрө туруутугар кытынна, Пепеляев сэриитигэр дьону хомуйда, эмиграцияҕа сылдьар уолугар Саха сиринээҕи быһыыны-майгыны биллэрэ олорор диэн буруйданар, тутуллан, үс киһилээх суут (тройка) биригэбиэринэн Соловки арыыларыгар хаайыыга ыытыллар. Ол кэннэ сураҕа суох сүппүт, сорох сибидиэнньэннэн аара түрмэҕэ өлбүт[1].

3 оҕолоох: Асклифеодот, Александра уонна Фекла. Уола сэбиэскэй былааһы туруулаһан туран утарсыбыт киһи, эмиграцияҕа Мукден куоракка өлбүтэ.

Ылыллыбыт сирэ[уларыт | биики-тиэкиһи уларытыы]

Быһаарыылар[уларыт | биики-тиэкиһи уларытыы]

  1. Слепцов Н.М. Сэдэх хаартыска туһунан. Күрүлгэн. 2012