Рязанскай Асклипиодот Афанасьевич

Рязанскай Асклипиодот Афанасьевич — Амма улууһун бастакы кулубатын Афанасий Рязанскай уола, Кытайга уонна Австралияҕа олорон бэйэтин тула саха эмиграннарын түмпүт киһи, суруналыыс.

1898 сыллахха муус устар 26 күнүгэр төрөөбүтэ. Дьокуускайга биэлсэр оскуолатын бүтэрбитэ, сэбиэскэй былааһы ылымматаҕа, кыраныысса таһыгар Кытайга тахсан олорбута, бөдөҥ суруналыыс буолбута, 1942 сыллаахха диэри Шанхаайга олорбута, онтон Гонкоҥҥа олоро сылдьыбыта, онно сылдьан аармыйаҕа сулууспалаабыта. 1949 сыллаахха дьиэ кэргэнин илдьэ Австралияҕа көспүтэ. Бу тухары кыраныысса таһыгар олорор сахалары бэйэтин тула түмэрэ, өйүүрэ. 1968 сыллаахха алтынньы 11 күнүгэр Австралия Брисбен куоратыгар өлбүтэ, онно көмүллүбүтэ.

Кэргэнэ Елизавета Рязанская (1910 с. т.) 2008 сыллаахха өлбүтэ. Икки уоллаахтар этэ: улаханнара — Афанасий (1933-2018), кыралара — Евгений (1939-2014)^[1].

Быһаарыылар[уларыт | биики-тиэкиһи уларытыы]

↑ Романова И.Л. Асклипиодот Рязанский: жизнь в эмиграции / "Лики истории" (rus) // Национальная интеллигенция и становление государственности народов Якутии / Первый областной съезд якутов 1912 г. : Сборник / А.Н. Жирков. — Бичик, 2020. — Т. III. — С. 93-98.

[1] Романова И.Л. Асклипиодот Рязанский: жизнь в эмиграции / "Лики истории" (rus) // Национальная интеллигенция и становление государственности народов Якутии / Первый областной съезд якутов 1912 г. : Сборник / А.Н. Жирков. — Бичик, 2020. — Т. III. — С. 93-98.

[1]