Музыка үрдүкү оскуолата
Музыка үрдүкү оскуолата (нууч. Высшая школа музыки РС (Я)) – кыра уонна обургу оҕолору муусукаҕа үөрэтэр өрөспүүбүлүкэ таһымнаах үөрэх кыһата. Элбэх хаттыгастаах бэлэми биэрэр: орто оскуола, муусука училищета, үрдүкү үөрэх.
1992 сыллаахха Саха Өрөспүүбүлүкэтин Бэрэсидьиэнэ М. Николаев ахсынньы 30 күнүнээҕи ыйааҕынан уонна СӨ бырабыыталыстыбатын 1993 сыл балаҕан ыйын 10 күнүнээҕи уурааҕынан тэриллибитэ.
Дьокуускай куораттан 16 км сиргэ оскуолаҕа анаан үөрэнэр уонна олорор дьиэлэр бөлөхтөрө тутуллубута (43 дьиэ).
Бэлэмниир идэлэрэ: ыллыыр ускуустуба уонна үнүстүрүмүөнүнэн оонньооһун (толоруу). Түөрт специализация – фортепиано, академическай ырыа, оркестр струналаах үстүрүмүөннэрэ, оркестр духовой үстүрүмүөннэрэ.
Бастакы ректорынан РФ уонна СӨ култууратын үтүөлээх үлэһитэ, Ойуунускай аатынан Судаарыстыбаннай бириэмийэ лауреаата В.А. Босиков үлэлээбитэ. Билигин ректор Наумов Иван Иванович.
Үөрэнээччилэр ахсааннара – 200 киһи.
Профессордара уонна преподавателлэрэ 91 испэсэлиис. Интэринээккэ 52 иитээччи үлэлиир[1].
Ситим-сирэ[уларыт | биики-тиэкиһи уларытыы]
http://www.vschoolmus.ru/ Архыыптаммыт 2011, Алтынньы 21 күнүгэр.
Быһаарыылар[уларыт | биики-тиэкиһи уларытыы]
- ↑ Оскуола ситим-сирэ. Устуоруйатын салаата Архыыптаммыт 2012, Тохсунньу 25 күнүгэр.