Босиков Василий Афанасьевич

Бикипиэдьийэ диэн сиртэн ылыллыбыт

Босиков Василий Афанасьевич (5.12.1927–14.04.2011) — Музыка үрдүкү оскуолатын ректора (1993—2008), Саха Өрөспүүбүлүкэтин ытык киһитэ.

Олоҕун олуктара[уларыт | биики-тиэкиһи уларытыы]

1928 сыллаахха ахсынньы 5 күнүгэр Дүпсүн улууһугар төрөөбүтэ. 1960 сыллаахха Москубатааҕы култуура үнүстүүтүн бүтэрбитэ.

1950 с. Дүпсэҕэ тыа кулуубун сэбиэдиссэйинэн үлэтин саҕалаабыта. 1952 с. - Дүпсэ сэбиэтин бэрэстээтэлэ. 1953 сылтан - Бороҕоҥҥо култуура салаатын сэбиэдиссэйэ, Уус-Алдан райисполкомун дьокутаата. Үнүстүүтү бүтэрээт 1960 - 1962 сс. - Саха АССР култууратын министиэристибэтигэр култуура-сырдатар үлэ салаатын начаалынньыга, 1962 сылтан 1966 сыллаахха диэри - САССР култууратын миниистирин бастакы солбуйааччыта. 1966 - 1974 сс. - «Якуттеатр» холбоһук дириэктэрэ, 1974 - 1992 сс. - САССР култууратын миниистирин бастакы солбуйааччыта, 1992 - 1993 сс. - СӨ бырабыыталыстыбатын тэрээһиннэргэ кэмитиэтин (Национальный комитет по делам традиционных и официальных мероприятий) бэрэстээтэлэ. 1993—2008 сс. — Музыка үрдүкү оскуолатын ректорынан үлэлээбит[1].

Үс сүүстэн тахса ыстатыйа уонна 8 кинигэ ааптара.

Наҕараадалара уонна ытык ааттара[уларыт | биики-тиэкиһи уларытыы]

  • РСФСР культуратын үтүөлээх үлэһитэ
  • Саха АССР культуратын үтүөлээх үлэһитэ
  • П. Ойуунускай аатынан Саха Өрөспүүбүлүкэтин бириэмийэтин лауреата
  • «Владимир Ильич Ленин төрөөбүтэ 100 сааһын бэлиэтээн» мэтээл
  • «За трудовую доблесть» мэтээл
  • «Найрамдал» мэтээл (МНР)
  • Саха Өрөспүүбүлүкэтин ытык киһитэ (2008)[2]
  • Уус-Алдан улууһун ытык киһитэ
  • Дүпсүн нэһилиэгин ытык киһитэ

Үтүө өйдөбүл[уларыт | биики-тиэкиһи уларытыы]

2012 с. В. А. Босиков аата Музыка үрдүкү оскуолатыгар иҥэриллибит.

Быһаарыылар[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]