Монастырев Василий Григорьевич

Бикипиэдьийэ диэн сиртэн ылыллыбыт
Перейти к навигации Перейти к поиску
Монастырев Василий Григорьевич

Монастырев Василий Григорьевич - Үөһээ Бүлүү оскуолатыгар XX үйэ саҕатыгар үлэлээбит, Исидор Бараховы, Марфа Потапованы уонна да атын өрөспүүбүлүкэҕэ, улууска биллибит дьоннору үөрэппит учуутал (1856 — 1914).

Мэҥэ-Хаҥалас Мөгүрүөнүгэр 1856 сыл тохсунньу 25 күнүгэр төрөөбүтэ (сорох источниктарга алҕас кэлии нуучча курдук бэриллэр). Иркутскайдааҕы учуутал семинариятын бүтэрбит, саха бастакы үөрэхтээх учууталларыттан биирдэстэрэ. Кортиктаах мундиры кэтэ сылдьар эбит. Түөртэ мэтээлинэн наҕараадаламмыт. 1898 сылтан 1914 сылга өлүөр диэри учууталлаабыт.

Устуорук Е.Е. Алексеев суруйарынан Монастырев урукку кэм сиэринэн кытаанах учуутал эбит, муннукка туруорара, тобуктатара, сороҕор кулгаахтыыра, эбиэтэ суох хаалларара. Кини иитэлээн таһаарбыт оҕолоро бары кэриэтэ үөрэхтэрин салҕаабыттар, сорохторо бэйэлэрэ үөрэнэн кэнники нэһилиэк суруксуттара, дьыаланы устааччыларынан эҥин үлэлииллэрэ. Ол аата, - түмүктүүр Е.Е. Алексеев, - Монастырев учуутал оҕолору чахчы үчүгэйдик кыһаллан үөрэппит.

1914 сыл саас өлбүтэ. Үөһээ Бүлүүгэ көмүллүбүт.