Ласков Иван Антонович

Ласков Иван Антонович (1941—1994) — нууччалыы уонна белорустуу суруйбут бэйиэт, сэһэнньит, литэрэтиирэ кириитигэ, тылбаасчыт. 1973 сылтан ССРС суруйааччыларын сойууһун чилиэнэ. Хаим Ласков диэн раввин ыраах уруута.

Олоҕун кэрчиктэрэ

Бэс ыйын 6 күнүгэр (сорох сиргэ сурулларынан бэс ыйын 19) 1941 сыллаахха Белоруссияҕа Гомель куоракка төрөөбүтэ. В.И. Ленин аатынан Белоруссиятааҕы университеты, М.Горькай аатынан Литературнай институту үөрэнэн бүтэрбитэ.

Саха сиригэр 1971 с. олохсуйбут. "Молодежь Якутии" хаһыакка, Дьокуускайдааҕы кинигэ кыһатыгар, "Полярная звезда" сурунаал редакциятыгар үлэлээбитэ. 1993 сылтан «Чуораанчык/Колокольчик» сурунаалга үлэлээбтитэ. Маны таһынан СГУ-га преподавателлээбитэ, уонна Саха сирин аэрогеодезическай тэрилтэтигэр уопсастыбаннаһы кытта ситим салаатын сэбиэдиссэйинэн үлэлээбитэ.

Нуучча уонна белорус тылынан суруйар этэ. Нуучча тылыгар В. Гаврильева сэһэннэрин, Николай Якутскай "Из тьмы" сэһэнин, Анастасия Сыромятникова "Кыыс Хотун" романын тылбаастаабыта. Бэс ыйын 29 күнүгэр 1994 сыллаахха 53 сааһыгар өлбүт.

Айымньылара

• Стихия: Лирика. - Минск, 1966
• Белое небо: Стихи. - Минск, 1969
• Хромец: Поэма. - Якутск, 1975
• Ивановы: Рассказы. - Якутск, 1979
• Пищальники не пищат: Повести. - Якутск, 1990