Коркин Дмитрий Петрович

Бикипиэдьийэ диэн сиртэн ылыллыбыт
Перейти к навигации Перейти к поиску
Дмитрий Петрович Коркин
Коркин.JPG
Үлэтэ:

тустуу тренерэ

Төрөөбүт күнэ:

5 балаҕан ыйын 1928({{padleft:1928|4|0}}-{{padleft:9|2|0}}-{{padleft:5|2|0}})

Төрөөбүт сирэ:

Кытаанах нэһилиэгэ, Чурапчы улууһа,
Саха АССР

Дойдута:

ССРСFlag of the Soviet Union.svg ССРСРоссияFlag of Russia.svg Россия

Өлбүт күнэ:

22 олунньу 1984({{padleft:1984|4|0}}-{{padleft:2|2|0}}-{{padleft:22|2|0}}) (55 сааһыгар)

Наҕараадалара:
Октябрьскай Революция уордьана «Бочуот Бэлиэтэ» уордьан
«Үлэҕэ килбиэнин иһин» мэтээл

Дмитрий Петрович Коркин (05.09.1928, Кытаанах нэһилиэгэ, Чурапчы улууһа, Саха АССР — 22.02.1984) — Саха Сиригэр тустуу сайдыытыгар сүҥкэн өҥөнү киллэрбит киһи.

Олоҕун олуктара[уларыт | биики-тиэкиһи уларытыы]

  • 1928 сыл балаҕан ыйын 5 күнүгэр Чурапчы улууһун Кытаанах нэһилиэгэр төрөөбүт. Алта саастааҕар төгүрүк тулаайах хаалан, Лазаревтар диэн ырааҕынан аймах дьонугар иитиллибитэ. Сэрии сылларыгар Булуҥ оройуонугар көспүттэр. Сэттэ кылаастаах Бороҕон оскуолатыгар үөрэнэ сылдьан спордунан үлүһүйэн дьарыктаммыт. Лазаревтар Дьокуускайга көспүттэригэр 2 №-дээх оскуолаҕа үөрэммитэ, гимнастика уонна бокс секцияларыгар дьарыктаммыт, многоборьеҕа куорат үөрэнээччилэрин ортолоругар үстэ чемпионнабыт.
  • 1956 сыллаахха А. И. Герцен аатынан Ленинградтааҕы педагогическай институту нуучча тылын уонна литературатын идэтигэр үөрэнэн бүтэрбит.
  • 1956 сылтан Одьулуун аҕыс кылаастаах оскуолатыгар, Чурапчытааҕы оскуола-интернатка үлэлээбит.
  • 1963 сыл күһүнүттэн — көҥүл тустууга тренер-педагогунан үлэлээбит.

Тыа сиригэр, спортивнай инвентарь, сөптөөх усулуобуйа, медицинскэй кэтээн көрүү суох бириэмэтигэр, кини үс олимпиеһы бэлэмнээн таһаарбыта (Р. Дмитриев, П. Пинигин, А. Иванов). Учуонай быһыытынан саҥа үөрэтэр-эрчийэр ньыманы баһылаабыта. Эрдэ нэдиэлэҕэ 3—4 эрчиллии ыытыллар эбит буоллаҕына, Коркин Д. П. үрдүк көрдөрүүнү ситиһээри күннэтэ 2—3 дьарыктыыра.
Бугүҥҥү күҥҥэ бу ньыманан олимпиецтары спорт бары көрүҥэр эрчийэллэр. Дмитрий Петрович научнай үлэһит быһыытынан хаста да Бүтүн Союзтааҕы физкультура институтун чинчийэр киинигэр «Үрдүк кылаастаах спортсменнары аныгы үйэҕэ хайдах бэлэмниэххэ сөбүй?» диэн темаҕа дакылаат ааҕа бара сылдьыбыт.

1984 сыллаахха олунньу 22 күнүгэр өлбүт.

Д. П. Коркин туһунан үгүс кинигэ, брошюра, ахтыы таҕыста, ол эрээри үөрэппит маастарыстыбатын туһунан дириҥ научнай ырытыы сурулла илик. 2003 с. бэс ыйын 11-с күнүгэр Президент В. А. Штыров физкультура, спорт эйгэтигэр Д. П. Коркин

Наҕараадалара уонна ытык ааттара[уларыт | биики-тиэкиһи уларытыы]

  • Саха АССР оскуолатын үтүөлээх учуутала
  • ССРС үтүөлээх тренерэ
  • РСФСР үтүөлээх тренерэ
  • Саха АССР үтүөлээх тренерэ
  • Октябрьскай Революция уордьанын кавалера
  • «Бочуот Бэлиэтэ» уордьан кавалера
  • «Үлэҕэ килбиэнин иһин» мэтээл
  • «Ыччат сүбэһитэ» ытык аат (1977)
  • Чурапчы улууһун ытык киһитэ (1972)[1]
  • Кытаанах нэһилиэгин ытык киһитэ

Аатын үйэтитии[уларыт | биики-тиэкиһи уларытыы]

  • Чурапчытааҕы оҕо спортивнай оскуолатыгар Д. П. Коркин аата сүктэриллибит (1991).
  • Олоро сылдьыбыт дьиэтигэр түмэл тэриллибит (1988).
  • Д. П. Коркин аатынан физкультураҕа уонна спортка Саха Өрөспүүбүлүкэтин бириэмийэтэ олохтоммут (2003).
  • 2003 сыллаахха Д. П. Коркин аатынан спортка албан аат Түмэлэ аһыллыбыт.
  • 2007 сылтан Дьокуускайга көҥүл тустууга норуоттар ыккардыларынааҕы куотаталаһыы ыытыллар.

Быһаарыылар[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]