Ырытыы:Коркин Дмитрий Петрович
Дмитрий Петрович Коркин Дмитрий Петрович Коркин 1928 сыллаахха балаҕан ыйын 5 күнүгэр Кытаанах нэһилиэгэр колхуостаах дьиэ кэргэнигэр төрөөбүтэ. Ийэтэ Мария Андреевна, аҕата Петр Кириллович. 1934 сыллаахха Дмитрий эдьиийинээн уонна кыра быраатынан төгүрүк тулаайах хаалбыттара. 1939 сыллаахха маҥнайгы кылааска Белолюбскай (Арыылаах) начаалынай оскуолатыгар киирбитэ. 1940- 1941 үөрэх дьылыгар кини кытаанах сэттэ кылаастаах оскуолатын иккис кылааһын үөрэнээччитэ. 1948 сыллаахха Бүлүү оройуонун Бороҕон сэттэ кылаастаах оскуолатын, 1951 сыллаахха Дьокуускай куорат 2№ бүтэрбитэ.1951 – 1952 сылларга Дьокуускай куорат санаторно – лесной оскуолатыгар воспитателинэн уонна старшай пионервожатайынан үлэлээбитэ.1952 – 1956 сылларга Ленинград куорат пединститутугар үөрэнэр кэмигэр самбоҕа маастарга кандидат буолбута. Үөрэҕин бүтэрэн нуучча тылын уонна литературатын преподавателэ специальноһын ылбыта. Кини иннигэр икки суол аһыллыбыта, эбэтэр – кини самбоҕа маастар нуорматын толорор сыалтан дойду чемпионатыгар кыттара, эбэтэр төрөөбүт дойдутугар Саха сиригэр тиийэн, учуутал үлэтэ. Кини туох да халбаҥа суох төрөөбүт дойдутун талбыта. Саха сирин үөрэҕин министерствота кинини төрөөбүт Чурапчытын оройуонугар анаабыта. Ол курдук кини Одьулуун сэттэ кылаастаах оскуола завуһунан, ону тэҥэ нуучча тылын уонна литературатын учууталынан үлэтин саҕалыыр. Кэлээт даҕаны 1956 сылтан Одьулуун уонна Чурапчы үөрэнээччилэригэр уонна улахан дьонугар көҥүл тустуу куруһуогун иилээн – саҕалаан барар. 1957 сыллаахха Чурапчы орто оскуолатыгар физкультура учууталынан көһөр, ол кэнниттэн Чурапчы интернат - оскуола завуһунан уонна физкультура учууталынан ананар. Сотору кэминэн кини иитиллээччилэрэ САССР, Дальней Восток, Сибиир, Россия, Советскай Союз, международнай турнирдар, аан дойду, олимпиада призердара, чемпионнара тахсыталаан барбыттара. Дмитрий Петрович тренеринэн үлэтин саҕаланыаҕыттан Саха сиригэр аан бастакынан техническай ньымалары күүстээхтик туттубута. Хас биирдии улахан күрэхтэһии кэнниттэн иитиллээччилэригэр бэйэтэ устубут киинэлэрин көрдөрө – көрдөрө ырытара. Ол иһин кини иитиллээччилэрэ, оскуола да оҕолоро, биллиилээх тустууктар ааттарын эрэ буолбакка, кинилэр тустар стиллэрин билэллэрэ. 70 - с сыллар ортолоругар Николай Захаров, Владислав Андросов, Илларион Федосеев ааттара, төһө да оскуола үөрэнээччилэрэ буолбуттарын иһин, Дьокуускай куоракка элбэх дьон - норуот ортотугар кыайан - хотон, уостан түспэт буолбута. Үлэлиир кэмигэр кини оскуолаҕа бииргэ үөрэммит доҕорунаан Е.И.Габышевтыын күүс, тулуур сайдыытыгар аналлаах мастан уникальнай тренажердары бэйэлэрэ оҥорбуттара. Дмитрий Петрович айылҕаттан айдарыллыбыт тренер, мэлдьи дьикти, ураты идеялардаах личность быһыытынан биллэр. Николай Сивцев, Станислав Романов, Петр Платонов, Алексей Ермолаев, Вячеслав Карпов, Илларион Федосеев, Прокопий Шестаков, Семен Макаров, иннокетий Морфунов, Роман Цыпандин, Николай Захаров, кини бырааттара Иван уонна Прокопий Захаровтар, Владимир Андросов, Максим Сибиряков, Захар Чукров, Юрий Андреев, Василий Гоголев, Павел Васильев, Афанасий Матвеев уонна да атыттар ааттара оройуон, республика, дойду спортивнай киэн туттуутунан буолбуттара. Роман Михайлович Дмитриев Мюнхеҥҥа буолбут олимпиада чемпиона (1972 с.), Павел Павлович Карпов – Монреальга буолбут олимпиада чемпиона, Александр Иванов уонна Роман Дмитриев – үрүҥ кемүс призердарын буолбуттара. (1976 с.) Д.П.Коркин бэлэмнээбит уонна ииппит спортсменнарыттан хас да ССРС үтүөлээх спорт маастардара, 10 международнай кылаастаах спорт маастара, 150 – ча ССРС спордун маастардара бааллар. Кини иитиллээччилэриттэн республика биллиилээх юристара, быраастара, учууталлара, журналистара, тренердара, учуонайдара тахсыбыттара. Спорт кинилэргэ олохторугар улаханнык көмөлөспүтэ. Дмитрий Петрович олохтон туораабыта ыраатта даҕаны, кини идеяларын олоххо киллэрээччилэр, кини суолун утумнааччылар бааллар, баар да буолуохтара диэн киһи эрэнэр. Холобура, Николай уонна Ньургун Чукровтар (Захар Чукров уолаттара), Данил Неустроев (Роман Неустроев уола), Никон Брызгаев (Никон Брызгаев уола) уонна да атыттар, билигин Дмитрий Петрович «сиэннэрэ», «хос сиэннэрэ», кини олохтообут традицияларын чиэстээхтик салҕыыллар. Д.П. Коркин – саха Республикатын үтүөлээх учуутала, Саха Республикатын үтүөлээх тренера, Российскай Федерация үтүөлээх тренера, Советскай Союз үтүөлээх тренера. ССРС физическай культуратын Государственнай комитетын быһаарыытынан 1987 сылтан Д.П. Коркин кэриэһигэр Всесоюзнай турнир ыытыллар, 1988 с. кини олорбут дьиэтэ музей буолбута, 1991 с. Чурапчы спортивнай интернат- оскуолата Д.П. Коркин аатын сүгэр, 2003 с. Д.П.Коркин аатынан Государственнай премия олохтоммута. Д.П. Коркин – Чурапчы улууһун Бочуоттаах гражданина. Кини 1984 с. олунньу 22 күнүгэр олохтон туораабыта. Саха Республикатын улуустара, Чурапчы улууҺа Михайлов Николай Сергеевич
Сирэйи ырытыытын саҕалаа «Коркин Дмитрий Петрович»
На страницах обсуждения люди обсуждают, как улучшить содержимое Бикипиэдьийэ. Вы можете использовать эту страницу, чтобы обсудить с другими участниками, какие улучшения внести на страницу «Коркин Дмитрий Петрович».
