Кондратьев Аким Андреевич

Аким Кондратьев
	Аким Кондратьев
Төрөөбүт күнэ:	19 кулун тутар 1931
Төрөөбүт сирэ:	Бастакы Бордоҥ нэһилиэгэ, Сунтаар улууһа, Саха АССР
Өлбүт күнэ:	2001
Дойдута:	ССРС →; Арассыыйа
Дьарыга:	учуутал, поэт
Наҕараадалара:	«Аҕа дойду сэриитигэр 1941-1945 сс. килбиэннээх үлэ иһин» мэтээл

Кондратьев Аким Андреевич (19.03.1931, Бастакы Бордоҥ нэһилиэгэ, Сунтаар улууһа — 2001) — учуутал, поэт, суруналыыс.

Олоҕун олуктара

1931 сыллаахха кулун тутар 19 күнүгэр Саха АССР Сунтаар оройуонун Бастакы Бордоҥ нэһилиэгэр төрөөбүт.

1956 сыллаахха Бүлүүтээҕи педагогическай училищены бүтэрэн, Өлөөн улууһугар ананан, Сухана, Харыйалаах, Кирбэй начальнай оскуолаларыгар учууталлаабыт.

1960 сыллаахха Саха государственнай университетын саха тылын уонна литературатын салаатын туйгуннук үөрэнэн бүтэрбитэ. Сунтаар оройуонугар саҥа аһыллыбыт Элгээйи аҕыс кылаастаах оскуола-интернатка завуһунан ананан үлэлээбит.

30-ча сыл иитээччинэн уонна саха тылын учууталынан үлэлээбит.

Айар үлэтэ

Оҕолорго анаан суруйбут. Бастакы хоһоонноро, очеркалара уонна литературнай ыстатыйалара өрөспүүбүлүкэ хаһыаттарыгар, «Хотугу сулус» сурунаалга бэчээттэммиттэр.

Наҕараадалара уонна ытык ааттара

ССРС үөрэҕириитин туйгуна
Норуот үөрэҕириитин туйгуна
«Аҕа дойду сэриитигэр 1941-1945 сс. килбиэннээх үлэ иһин» мэтээл

Айымньылара

«Кэкэ-бука»
«Кылыһахтар»
«Таабырыннар»
«Олег Горожанин»
«Атах тэпсэр ньургуһуннар»
«Лоокуут тойуга»
«Чыычаах доҕоро»
«Саһарҕалыын кэпсэтии»

Ырыа буолан ылламмыт хоһоонноро

Аким Кондратьев элбэх хоһоонноро ырыа буолан ылланаллар.

«Киэһээҥҥи Бүлүү» (Алексей Васильев мелодията)

«Ийэ мичээрэ» (Ангелина Файрушина мелодията) (2006)

Сигэлэр

Кондратьев Аким Андреевич Архыыптаммыт 2016, Кулун тутар 4 күнүгэр.
Аким Андреевич Кондратьев. — Дь.: Бичик, 2007. — 80 с.

Бу суруйааччыга сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп.