Калашников Юрий Васильевич

Бикипиэдьийэ диэн сиртэн ылыллыбыт
Перейти к навигации Перейти к поиску
Калашников Юрий Васильевич
Калашников Юрий Васильевич.jpg
Төрөөбүт күнэ

30 ыам ыйын 1924({{padleft:1924|4|0}}-{{padleft:5|2|0}}-{{padleft:30|2|0}})

Төрөөбүт сирэ

Бугуруслан,
Оренбургскай уобалас

Өлбүт күнэ

1992({{padleft:1992|4|0}})

Сулууспалаабыт дойдута

ССРСRed Army flag.svg ССРС

Сулууспалаабыт сыллара

1942—1945

Солото Гвардия старшината
Старшина
Кыргыһыылар/сэриилэр

Аҕа дойду Улуу сэриитэ

Наҕараадалара
Аҕа дойду сэриитин I ст. уордьана — 1985
Орден Славы
Орден Славы
Орден Славы

Калашников Юрий Васильевич (30.05.1924, Бугуруслан — 1992) — Аҕа дойду Улуу сэриитин кыттыылааҕа, Албан аат уордьанын толору кавалера.

Олоҕун олуктара[уларыт | биики-тиэкиһи уларытыы]

1924 сыллаахха ыам ыйын 30 күнүгэр Оренбургскай уобалас Бугуруслан куоратыгар төрөөбүт. Нуучча. Ааллаах Үүн сэттэ кылаастаах оскуолатын бүтэрбит.

«Джугджурзолототранс» Уус-Ааллаахтааҕы аһынан хааччыйар базатыгар үлэлээбит.

1942 сыллаахха Кыһыл Аармыйаҕа ыҥырыллыбыт. 1944 сыл бэс ыйыттан Карельскай, 3-с Украинскай фроннарга сэриилэспит.

Аҕа дойду Улуу сэриитигэр[уларыт | биики-тиэкиһи уларытыы]

1944 сыл бэс ыйын 21 күнүгэр Свирь өрүһү Лодейное куорат (Ленинград уобалаһа) оройуонугар Мирошкиничи нэһилиэнньэлээх пуун аттынан туорааһыҥҥа, өстөөх күүстээх уотун аннынан, красноармеец Юрий Калашников, лодка старшайа буолан, өрүс үҥа кытылыгар икки стрелковай отделениены туораппыт.
1944 сыл от ыйын 3 күнүгэр өстөөх уотун көрөн туран Пучейло—Палахта (Карелия) суол муостатын миинэтин уһулан, кимэн иһэр сэбиэскэй сэриилэр хаамыыларын хааччыйбыт.
1944 сыл от ыйын 8 күнүгэр разведка кэмигэр Пюсрея—Лапши (Карелия) күөл оройуонуттан ыараханнык бааһырбыт разведчигы өстөөх уотуттан таһаарбыт.

1944 сыл от ыйын 31 күнүнээҕи Бирикээһинэн байыаннай сорудахтары көрдөрүүлээхтик толоруутун иһин гвардия кыһыл армееһа Калашников Юрий Васильевич Албан аат 3-с степеннээх уордьанынан (№ 133801) наҕараадаламмыт.

1945 сыл муус устар 5 күнүгэр сержант Калашников Австрия киин куоратыттан Венаттан 10 км соҕуруулуу-арҕаа турар, Медлинг куораттан соҕуруу хайысхаҕа, пехота байыастарын кытта алта муостаны миинэлэртэн ыраастаабыта. Тус бэйэтэ 50-н тахса танканы эһэр миинэлэри уонна 15 атын миинэни уһулбута. Отделениетын салайан, гвардия сержана Калашников Гумпольдскирхен — Медлинг щоссеҕа алта, фугастарынан бөҕөргөтүллүбүт, баррикадалары көтүрэн, Австрия Медлинг куоратыгар биир бастакынан киирбиттэр.

1945 сыл муус устар 18 күнүнээҕи Бирикээһинэн байыаннай сорудахтары көрдөрүүлээхтик толоруутун иһин гвардия сержана Калашников Юрий Васильевич Албан аат 2-с степеннээх уордьанынан (№ 6435) наҕараадаламмыт.

1945 сыл муус устар 6—13 күннэригэр Австрия киин куората Вена чугаһыгар гвардия сержана Юрий Калашников отделениетын кытары 197 танканы утары уонна 117 пехотаны эһэр миинэлэри, 17 фугастары куттала суох оҥорбут.

1945 сыл муус устар 11 күнүгэр Вена Донау-каналын бастакынан туораабыт, 37 пехотаны эһэр миинэлэри көтүрэн, миинэлэммит хонууга ааһар суолу хааччыйбыт.

1945 сыл муус устар 13 күнүгэр гвардия старшай сержана Калашников байыастары кытта 17 баррикада нөҥүөлээн ааһар суолу ыраастаабыт, 65 танканы утары уонна 32 пехотаны утары миинэлэри уһулбут.

Вена куоратын уулуссаларыгар буолбут кыргыһыыларга сапернай отделение командира Юрий Калашников үс өстөөх саллаатын суох гыммыт.

1945 сыл муус устар 30 күнүнээҕи Бирикээһинэн байыаннай сорудахтары көрдөрүүлээхтик толоруутун иһин гвардия старшай сержана Калашников Юрий Васильевич хат Албан аат 2-с степеннээх уордьанынан наҕараадаламмыт.

ССРС Үрдүкү Сүбэтин Президиумун 1955 сыл атырдьах ыйын 19 күнүнээҕи Ыйааҕынан байыаннай сорудахтары көрдөрүүлээхтик толоруутун иһин Калашников Юрий Васильевич Албан аат бастакы степеннээх уордьанынан (№ 2610) наҕараадаланан, Албан аат уордьанын толору кавалера буолбут.

1945 сыллаахха гвардия старшина Калашников Аармыйаттан төннүбүт. Чимкент политехническай техникумун бүтэрбит.

1949—1954 сс. Саха АССР Чульман бөһүөлэгэр милиция Тимптон оройуонун салаатын оперуполномоченнайынан үлэлээбит.

Тутуу тэрилтэлэригэр, «Дальгипрорыбпром» проектнай институтка үлэлээбит.

1980-с сыллардаахха Калуга куоракка олоро сылдьыбыт, ол кэннэ оҕолоругар Москваҕа көспүт.

1985 сыллаахха Кыһыл болуоссакка Кыайыы Парадыгар кыттыбыт.

1992 сыллаахха өлбүт, Москваҕа көмүллүбүт.

Наҕараадалара[уларыт | биики-тиэкиһи уларытыы]

Аатын үйэтитии[уларыт | биики-тиэкиһи уларытыы]

  • Москва уобалаһын Раменское куоратыгар Калашников аатынан уулусса ааттаммыт.
  • Дьокуускайга — переулок ааттаммыт.

Быһаарыылар[уларыт | биики-тиэкиһи уларытыы]

  1. Наградные документы в электронном банке документов «Подвиг Народа»
  2. Наградные документы в электронном банке документов «Подвиг Народа»
  3. Карточка награждённого к 40-летию Победы в электронном банке документов «Подвиг Народа»

Сигэлэр[уларыт | биики-тиэкиһи уларытыы]

OrderOfGlory1stClass.png Калашников Юрий Васильевич. Cитим-сир «Герои Страны».