Захаров Александр Никитич

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Захаров Александр Никитич - Маай, Абаҕаҕа сайыҥҥы дьиэтигэр

Захаров Александр Никитич - Маай — (1935, Олунньу 13, Амма улууһа, Абаҕа нэһ.) Саха сирин үтүөлээх тутааччыта, үлэ, тыыл бэтэрээнэ, Амма улууһун уонна Абаҕа нэһилиэгин бочуоттаах олохтооҕо.

Олоҕун олуктара[уларыт | биики-тиэкиһи уларытыы]

Абаҕаҕа колхозтаахтар дьиэ кэргэнигэр төрөөбүтэ. Аҕата — Никита Афанасьевич, оччотооҕу колхоз бэрэссэдээтэлэ. 1938 репрессияҕа түбэһэн хаайыллан, 1940 реабилитацияланан баран хоту олохсуйар. Аҕа дойду сэриитигэр сураҕа суох сүппүтэ.

Үөрэҕин Кемерово уобалаһыгар Новокузнецкай куоракка хайа техникумугар 1957 бүтэрбитэ. Кэлин Саха Госуниверситетыгар үөрэҕин салҕаабыта. Саха сиригэр көһөн кэлбитэ уонна уурайыар диэри Дьокуускайга «Якутстрой» систематыгар үлэлээбитэ. 9 сыл устата Совмин иһигэр капитальнай тутуу управлениятын кылаабынай инженерынан үлэлээбитэ. Республика үрдүнэн тутууну ыыппыта. Кэргэнэ Елена Васильевна университет физика салаатын преподавателя, икки уоллаах, үс сиэннээх.

Туппут дьиэлэрэ[уларыт | биики-тиэкиһи уларытыы]

Александр Никитич быһа холоон 200 тахса дьиэни туппута, олор быыстарыгар Дьокуускай куоракка:

  • 1-кы нүөм. Правительство дьиэтэ
  • Дьокуускай куорат Мэрията
  • Саха сирин Опера уонна Балет театра
  • Спартак стадион (билигин "Туймаада" стадион)
  • Якутзолото
  • куораттааҕы баанньык дьиэтэ
  • «Якутгражданпроект» (билиҥҥитэ «Сахапроект»)
  • Тыа Хаһаайыстыбатын Министиэрстибэтин дьиэтэ
  • Радиоцентр
  • Тыа хаһаайыстыбатын техникумун уонна үп-харчы техникумун дьиэлэрин
  • Водогрязелечебница «Хоту»
  • Хаан кутар станцията
  • Республикатааҕы балыыһа, акушер корпуһа, радиологическай балыаһа дьиэлэрин
  • Дом-быта «Силуэт»
  • Балык уонна эт кэмбинээтин дьиэлэрин
  • Рембыттехника
  • «Сардаана» фабрика
  • Иистэнэр фабрика
  • Дьокуускайдааҕы птицефабрика 1, 2, 3 уочараттаах дьиэлэрин, Хатасстааҕы свинокомплекс 1 уонна 2 уочаратын
  • База госплемстанции
  • Оскуолалары, оҕо уһуйааннарын, маҕаһыыннары уо.д.а

Аммаҕа Федот Потапов аатынан культура дьиэтин тутуутугар сүрүн кылаатын киллэрбитэ, Абаҕаҕа сэрии бэтэрээннэригэр анаммыт панорама уо.д.а. Төрөөбүт дойдутугар Абаҕаҕа туппут дьиэтэ 2007 Саха сирин тиэргэннэрин күрэхтэригэр бастаан турардаах.