Есин Энгин
Эсин Энгин (туур. Esin Engin 1945 сыл ыам ыйын 17 күнэ - 1997 сыл ыам ыйын 4 күнэ) — туурак хампаһыытара, аранжировщик, ырыаһыт, дирижер и муусука айааччы.[1][2]
Олоҕун кэпсээнэ
[уларыт | биики-тиэкиһи уларытыы]1945 сыллаахха ыам ыйын 17 күнүгэр Кырыым татаарын дьиэ кэргэнигэр төрөөбүтэ. Ырыанан-муусуканан биэс сааһыттан дьарыгырар. Есин Энгин оҕо эрдэҕиттэн классическай муусуканы айар хампаһыытардар айымньыларын уонна туурак норуодунай муусукатын анаан үөрэппит. Кини биир саамай сһбүлээн туттар муусукатын үнүстүрүмүөнэ Уд диэн ааттанар. АХШ үөрэнэр кэмигэр фортепианоҕа оонньуу үөрэммит, итиэннэ арҕааҥы муусука бастыҥ холобурдарын кытта аан бастаан билсибит. Эмиэ бу сылларга дорҕоону таҥан оҥоруу уонна дьүөрэлэһиннэрии уустук маастырыстыбатын баһылаабыт. Онтон салгыы Стамбул үнүбэрсиэтин суруналыыстыка орто оскуолатын уонна Стамбул муниципалитетын консерватория вокал салаатын бүтэрбит.
Айар үлэтин саҥатыгар музыкант, сольнай ырыаһыт быһыытынан оччотооҕу биллэр оркестрдар кэккэлэригэр сылдьыбыт. Ону таһынан киинэҕэ анаан муусука, ырыа толоруутунан дьарыктаммыт.[3] Маҥнайгы грампластинкатын 1968 сыллаахха таһаарбыт. Аан бастаан кини аатын ордук дарбааннаахтык дьон-сэргэ 1972 сыллаахха «Приходи на кастинг Зульфия» уонна «Танго» диэн альбомнарын таһаарбытын истибитэ. «Приходи на кастинг Зульфия» диэн альбомугар ырыаһыт туурак классическай муусукатын тыаһын-ууһун олус улаатыннаран уонна күүһүрдэн, ол эрэн ийэ көрүҥүттэн уларыппакка эрэ киллэрбитэ. «Танго» айымньытыгар сүүрбэһис үйэ 30-с сыллардааҕы биллэр-көстөр танголарын киллэрбитэ, уратыта диэн, аранжировкатын тупсаран, иһиллэр хаачыстыбатыгар болҕомтотун уурбута. 1973 сыллаахха «Дай мне руки / Море глаз», «Аныгы пьесалар» айымньылара күн сирин көрөр. Бу инструментальнай альбомҥа киирбит норуот муусуката саҥалыы тыыннаммыта дьон-сэргэ улахан биһирэбилин ылбыта уонна муҥутуур элбэх ахсаанынан тарҕаммыта биллэр. Бу көстүү туурак норуотун төрүт муусуката тас дойдуларга тарҕанарыгар улахан төһүү буолбут. Есин Энгин бу соһуччу ситиһиитин кэннэ араас сылларга «Anadolu» (1974), «Modern Fasıl» (1978), «Modern Oyun Havaları» альбомнары устан таһаарар. Араас сылларга кини биирдиилээн альбомнара биһирэнэ сылдьыбыттар, холобур, 1974 сыллаахха «Төннүбэтэх сылларым / Анкара тааһын көр», «Танголар», «Ааспыттан билиҥҥигэ», «Мин таптаатым, мин эйиэхэ кэллим» 1976 сыллаахха.
Киинэ муусукатын сайдыытыгар ырыаһыт Осман Седан, Атыф Йылмаз курдук аатырбыт режиссердары кытта үлэлээбит. 1986 сыллаахха кини муусуката «Çalıkuşu» сериалга киирэр, онно сүрүн оруолу Айдан Шенер толорбута. Маны таһынан, «Цюбюк», «Мои мечты, моя любовь и ты», «Женщина не имеет имени», «Король путешественников» киинэлэр; «Убийство Йола Паласа», «Две женщины», «Татл Бетюш», «Гюль дикен», «Две сестры», «Цюре» сериалларга кини айбыт дорҕоонноро киирбиттэрэ.
1994 сыллаахха Эсин Энгин хаан араага буолбута биллэн, үгүс айымньытын суорҕан-тэллэх киһитэ буолан баран айбыта.
Кэлиҥҥи альбомнара «Ностальгический российский цыган», «Цыганский огонь», «Саундтреки». Эсин Энгин араак ыарыыттан 1997 сыл ыам ыйын 4 күнүгэр өлбүт.
Тас сигэлэр
[уларыт | биики-тиэкиһи уларытыы]- ↑ Esin Engin – Celeb bio, works, relationships & more. Тургутулунна 31 Ыам ыйын 2020.
- ↑ Esin Engin on Amazon Music. Тургутулунна 10 Бэс ыйын 2020.
- ↑ Esin Engin. Тургутулунна 31 Ыам ыйын 2020.