Егоров Прокопий Иванович

Бикипиэдьийэ диэн сиртэн ылыллыбыт

Егоров Прокопий Иванович (1928 с. олунньу 5 күнэ, Наахара нэһилиэгэ, Сунтаар оройуона, Саха АССР), Педагогическай наука кандидата, Саха АССР оскуолаларын үтүөлээх учуутала, РСФСР норуотун үөрэҕириитин туйгуна.

Олоҕун олуктара[уларыт | биики-тиэкиһи уларытыы]

Сунтаар оройуонун Кириэстээх нэһилиэгин Наахаратыгар төрөөбүтэ. 1946 с. орто оскуоланы бүтэрбитин кэннэ, кинини Тойбохойдооҕу Оҕо дьиэтигэр иитээччинэн анаабыттара. Онтон оскуолаҕа нуучча тылын, литературатын учууталынан, салгыы завуһунан үлэлээбитэ. Үлэлии сылдьан, Прокопий Иванович Дьокуускайдааҕы пединститут нуучча тылыгар, литературатыгар отделениетын үөрэнэн бүтэрбитэ. Ити кэнниттэн кинини үөрэх оройуоннааҕы салаатын инспекторынан анаабыттара.

1960-1968 сс. Өрөспүүбүлүкэтээҕи учууталлар билиилэрин үрдэтэр институттарыгар дириэктэринэн ыҥыраллар. Ити бириэмэҕэ Прокопий Иванович Москватааҕы В.И. Ленин аатынан пединститут аспирантуратын бүтэрэн, педагогическай наука кандидатын степенин көмүскүүр.

Учууталлар билиилэрин үрдэтэр институт дириэктэринэн олорон, 8 уонна 11 кылаастаах оскуолаларга үлэ уруоктарын, ону ааһан, производственннай үөрэхтээһин акылаатын түһэрсибитэ, оскуолаларга үлэ уруоктарын, массыынаны, тракторы ыытыы уруоктара оскуолаларга киллэриллибиттэрэ. Ыытыллыбыт үлэлэр уопуттарын түмэн «Орто оскуолаларга үлэ уруоктарын тэрийии» диэн Прокопий Иванович редакциялааһынынан хомуурунньук бэчээттэнэн тарҕаммыта. Институт иһинэн бэйэ билиитин үрдэтиниигэ сыллата ортотунан 600-700 учуутал үөрэнэн ааһар буолбута. 113 оскуола бастыҥ уопуттарын арыйан көрдөрөр «Педагогическай үлэ маастардара» диэн улахан хомуурунньук бэчээттэнэн тахсыбыта. Саха Өрөспүүбүлүкэтэ киэн туттар учууталлара Г.Е. Бессонов, М.А. Алескеев, В.П. Рыжов, Д.М. Чумаченко, М.П. Дьяконова, Б.Н. Андреев о.д.а үлэлэрин туһунан матырыйаал элбэх тираһынан Өрөспүүбүлүкэ оскуолаларыгар тарҕатыллыбыта[1]

Наҕараадалара, ытык ааттара[уларыт | биики-тиэкиһи уларытыы]

- Саха АССР оскуолаларын үтүөлээх учуутала

- РСФСР норуотун үөрэҕириитин туйгуна[2][3]

Суруйуулара, кинигэлэрэ[уларыт | биики-тиэкиһи уларытыы]

Кини туһунан[уларыт | биики-тиэкиһи уларытыы]

Быһаарыылар[уларыт | биики-тиэкиһи уларытыы]

  1. Кыайыыны, олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордулар: Н.Н.Спиридонов, А.К.Васильев; эп.эрэд: Т.Н.Иванова уо.д.а. – Дьокуускай : Чопчу, 2020. – 464с.
  2. Сунтаар улууһугар үөрэҕирии сайдыыта / [хомуйан оҥорон бэчээккэ бэлэмнээтилэр: И.Т.Назаров, Н.И.Алексеев ; эппиэттиир ред. М.И.Аввакумова]. – Дьокуускай : Бичик, 2009. – 272 с.
  3. Педагогическая энциклопедия / М-во образования Респ. Саха (Якутия) ; [науч. ред.: Михайлова М. Г. д.п.н., проф ЯГУ, Петрова С. М. д.п.н., проф. ЯГУ ; сост. Иванова В. С.]. - Якутск, Т. 1. - 2000. - 323 с.

Сигэлэр[уларыт | биики-тиэкиһи уларытыы]