Егоров Михаил Иванович
Егоров Михаил Иванович (1935 с., ахсынньы 29 күнэ, Элгээйи с., Сунтаар оройуона, Саха АССР – 2012 с.), Саха АССР оскуолаларын үтүөлээх учуутала, РСФСР норуотун үөрэҕириитин туйгуна, Сунтаар улууһун Бочуоттаах олохтооҕо.
Олоҕун олуктара[уларыт | биики-тиэкиһи уларытыы]
Сунтаар оройуонугар Элгээйи нэһилиэгэр төрөөбүтэ. 1957 с. Благовещенскайдааҕы педагогическай институкка физика уонна астрономия учууталын идэтин ылан, Элгээйигэ кэлэр. Оскуолаларга политехнизацияны киллэрии соруктарыгар сөп түбэһиннэрэн, эдэр учуутал оскуолаҕа бастакы физика кабинетын тэрийбитэ. Кабинекка автолюбителлэр, фотографтар, киномеханиктар дьарыктанан барбыттара. Оскуола бэйэтэ модульнай электростанциялаах, радиоузеллаах буолбута. Элгээйилэр опыттара оройуоҥҥа, өрөспүүбүлүкэҕэ киэҥник тарҕанан барбыттара.
1960-1965 сс. Егоров М.И. райОНО сэбиэдиссэйинэн үлэлиир. Оскуолалар материальнай-хаһаайыстыбаннай базаларын, салайар кадрдарын бөҕөргөтүүгэ үлэ күүскэ ыытыллар.
1965-1983 сс. компартия Сунтаардааҕы райкомугар отдел сэбиэдиссэйинэн, онтон салгыы үөрэх министрин солбуйааччынан ананар. Манна Михаил Иванович өрөспүүбүлүкэ оскуолаларыгар үөрэх программаларын, учебниктары, үөрэтэр пособиелары ситэрэн оҥорууга сүрүн кыһамньытын уурар. Биирдии сүрүн предметтеринэн научнай-практическай конференциялар тэриллэллэр. Хотугу аҕыйах ахсааннаах норуоттар оскуолаларын үлэлэрин уларыта тутууга киэҥ өрүттээх үлэ саҕаланар, кини инициативатынан Дьокуускай куоракка Сибиир уонна Уһук Илин зоналарын үөрэнээччилэрин олимпиадалара хаста да ыытыллыбыта.
Михаил Иванович кэлин Саха Өрөспүүбүлүкэтин Президенин уонна Правительство кылаабынай управлениеларын уопсай отделын начальнигынан, административнай-хаһаайыстыбыаннай управлениетын генеральнай дириэктэрин солбуйааччынан ситиһиилээхтик үлэлээбитэ. Оройуон общественноһа киэн туттар киһитэ[1]
Наҕараадалара, ытык ааттара[уларыт | биики-тиэкиһи уларытыы]
- Саха АССР оскуолаларын үтүөлээх учуутала,
- РСФСР норуотун үөрэҕириитин туйгуна
- Сунтаар улууһун Бочуоттаах олохтооҕо[2][1]
Кини туһунан[уларыт | биики-тиэкиһи уларытыы]
- Михаил Иванович Егоров: учуутал, салайааччы, үтүө киһи / [хомуйан оҥордулар Э. М. Максимова, М. М. Дмитриева, В. П. Николаева ; эппиэт. ред. В. П. Николаев]. - Дьокуускай : Компания "Дани АлмаС", 2012.
Быһаарыылар[уларыт | биики-тиэкиһи уларытыы]
- ↑ 1,0 1,1 Кыайыыны, олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордулар: Н.Н.Спиридонов, А.К.Васильев; эп.эрэд: Т.Н.Иванова уо.д.а. – Дьокуускай : Чопчу, 2020. – 464с.
- ↑ Педагогическая энциклопедия / М-во образования Респ. Саха (Якутия) ; [науч. ред.: Михайлова М. Г. д.п.н., проф ЯГУ, Петрова С. М. д.п.н., проф. ЯГУ ; сост. Иванова В. С.]. - Якутск, Т. 1. - 2000. - 323 с.