Дьокуускайдааҕы уус-уран училище

Бикипиэдьийэ диэн сиртэн ылыллыбыт
Перейти к навигации Перейти к поиску

Дьокуускайдааҕы уус-уран училище (нууч. Якутское художественное училище)

1945 сыллаахха Саха АССР Совнаркомун 233 № кулун тутар 2 күнүнээҕи уурааҕынан тэриллибитэ. Тэрийиини саҕалаабыт киһинэн Саха норуодунай худуоһунньуга П.П. Романов буолбута. Кини аатын училище кэлин 1995 сыллаахха сүкпүтэ.

Кыһа таһаарбыт бастакы көлүөнэ худуоһунньуктара өрөспүүбүлүкэ таһыгар биллибиттэрэ: М. Лукин, Э. Сивцев, Е. Шапошников, В. Петров, О. Ковалевский, искусствовед И. Потапов.

1950 с. скульптура салаата арыллыбыта, онтон тахсыбыттара кэлин аатырбыт: С.А. Егоров, К.Н.Пшенников, Е.Н. Винокурова, П.А.Захаров уонна муосчуттар С.П.Заболоцкай, К.Ф. Герасимов. 1958 с. аатырбыт муосчут С.Н. Пестеров салалтатынан туспа муос салаата арыллыбыта.

1962 с. училище дириэктэрэ Леонид Ким мастан кыһыы уонна уус-уран оформление салаатын арыйбыта. 1981 с. ол баазатыгар В.Д. Иванов салалтатынан театральнай-декорационнай ускуустуба специалистарын соҕотох выпуһа тахсыбыта. Училище выпускниктара С.В. Иванова уонна Л.И. Гоголева билигин биллэр тыйаатыр худуоһунньуктара.

Училищеҕа өр кэмнэргэ 50-70-с сылларга Л.А.Ким, С.Л.Александров, М.В.Новиков, З.И.Иванова үлэлээбиттэрэ. Араас сылларга живописецтар: А.Н.Осипов – билигин Арассыыйа Уус-уран Академиятын чилиэнэ, З.К.Курчатова, Г.У.Кравченко, графиктар А.П.Мунхалов – Арассыыйа норуодунай худуоһунньуга, билигин АГИКиИ ойуулуур ускуустубатын декана, Э.С.Сивцев, В.Р.Васильев, Ю.И.Вотяков, М.А.Рахлеева – билигин АГИКиИ дассыана. Балартан сорохторо араас сылларга училищены бэйэлэрэ бүтэрбиттэрэ. Дириэктэрдэринэн эмиэ урукку выпускниктар А.И.Филиппов, И.А.Маччасынов, В.Д.Артамонов буола сылдьыбыттара. 1997 сылтан дириэктэринэн Гаврильев К.П. анаммыта – живописец, эмиэ училище выпускнига[1].

Билигин училищеҕа отучча урукку выпускниктар үөрэтэллэр, олор истэригэр СӨ ускуустубатын үтүөлээх диэйэтэллэрэ Николай Иннокентьев, Людмила Слепцова, Вячеслав Артамонов, СӨ норуодунай худуоһунньуга Петр Захаров, СӨ култууратын туйгуннара Наталья Николаева, Евдокия Романова, Ирина Мекумянова уо.д.а.[2]

Саайта: http://www.izoyahu.ru/

Быһаарыылар[уларыт | биики-тиэкиһи уларытыы]