Габышев Лев Львович

Бикипиэдьийэ диэн сиртэн ылыллыбыт

Габышев Лев Львович (10.11.1920 – 11.11.1994) — сэһэнньит, тылбаасчыт, драматург, сахалартан бастакы киносценарист, ССРС суруйааччыларын Сойууһун чилиэнэ.[1]

1920 сыллаахха сэтинньи ый 10 күнүгэр Өлүөхүмэ улууһугар төрөөбүтэ. Идэтинэн агроном үөрэхтээх. Республика араас улуустарыгар, Тыа хаһаайыстыбатын Министерствотыгар идэтинэн үлэлээбитэ. «Хотугу сулус» сурунаал редакциятыгар литературнай сотруднигынан, «Полярная звезда» сурунаалга сэһэн отделын сэбиэдиссэйинэн үлэлээбитэ.

1938 сылтан айар үлэнэн дьарыктанар. Сэрии сылларын кэмигэр саха колхуостаахтарын олоҕун, хорсун үлэлэрин туһунан «Дьол төрдө» диэн сэһэни суруйбута. «Абаҕа сулустара» диэн драмата Саха театрын сценатыгар туруоруллубута. Лев Габышев сценарийынан «Таджикфильм» киностудия «Көмүстээх үрүйэ» диэн Николай Якутскай сэһэнинэн «Тайна предков» диэн ааттаах уус-уран киинэни устубута.

Лев Габышев М. Рыльскай, А. Мицкевич, В. Сосюра хоһооннорун сахалыы тылбаастаабыта.

Айымньылара[уларыт | биики-тиэкиһи уларытыы]

  • Дьол төрдө: Сэһэн. - Дьокуускай, 1959
  • Иллэҥ киэһэлэргэ: Пьесалар, сценкалар, интермедиялар, конферанстар. - Дьокуускай, 1959
  • Сулустар: Пьесалар. - Дьокуускай, 1965
  • Ыаллыылар: Пьесалар. - Дьокуускай, 1971
  • Пьесалар, кэпсээннэр. - Дьокуускай, 1991
  • Серебряные рога. - М., 1965

Быһаарыылар[уларыт | биики-тиэкиһи уларытыы]

  1. Габышев Лев Львович // sakhalit.com (нууч.)

Олоҕун, айар үлэтин туһунан[уларыт | биики-тиэкиһи уларытыы]

  • Башарина З. Айымньылара баай ис номохтоохтор // Чолбон. - 1996. - № 4
  • Тумат С. Дьол төрдө үлэҕэ // Хотугу сулус. - 1980. - № 11
  • Габышев Лев Львович: Некролог // Чолбон. - 1994. - № 11