Бубякин Николай Васильевич

Бикипиэдьийэ диэн сиртэн ылыллыбыт
Перейти к навигации Перейти к поиску
Бубякин Николай Васильевич

Бубякин Николай Васильевич (15.09.1898—12.05.1942) — ил уонна партия диэйэтэлэ, 1928—1929 сылларга Саха АССР Совнаркомун бэрэссэдээтэлэ.

Олоҕун олуктара[уларыт | биики-тиэкиһи уларытыы]

  • 1898 сыл балаҕан ыйын 15 күнүгэр Илин Хаҥалас улууһун Иккис Наахара нэһилиэгэр төрөөбүтэ. Үрдүк үөрэхтээх.
  • 1918—1919 cc. — Илин Хаҥалас сир управлениетын чилиэнэ.
  • 1919—1920 сс. — Үһүс Наахара нэһилиэгин Совнаркомын чилиэнэ.
  • 1920—1924 сс. — Илин Хаҥалас ревкомын сэкрэтээрэ.
  • 1924—1928 сс. — Дьокуускай уокурук исполкомын бэрэcсэдээтэлэ.
  • 1928—1929 сс. — Саха АССР Совнаркомын бэрэcсэдээтэлэ.
  • 1929 с. — сир оҥоруу наркома.
  • 1930—1931 сс.— Арҕаа Хаҥалас райисполкомын бэрэcсэдээтэлэ.
  • 1932 с. — Саха АССР ЦИК отделын сэбиэдиссэйэ.
  • 1932—1935 сс. — Дьокуускайдааҕы горсовет бэрэcсэдээтэлэ.
  • 1937 с. — Саха АССР Совнаркомун дьыалатын салайааччыта.
  • 1938 сыл сэтинньи 1 күнүгэр репрессияҕа түбэһэн хаайыллыбыта.
  • 1941 сыл балаҕан ыйын 8 күнүгэр аҕыс сылга хаайыыга барбыта ( КрасЛаг).
  • 1942 сыл ыам ыйын 12 күнүгэр хаайыы балыыһатыгар өлбүтэ.
  • 1956 сыл муус устар 29 күнүгэр Саха АССР Үрдүкү Суута реабилитациялаабыта.

Уус-Андылааҕа  диэн алааска  1898 сыллааха  балаҕан  ыйын  15  күнүгэр  дьадаҥы  кэргэҥҥэ  төрөөбүтэ. Таҥара  дьиэтигэр церковнай-приходской оскуолаҕа  үөрэнэн  4 кылааһы бүтэрбитэ. Дьадаҥы  ыал  оҕото буолан  салгыы  кыайан үөрэммэтэҕэ . 1916 сыллаахха  билэр киһитин  кытта  Бодойбоҕо тиийэн  бириискэ  хонтуоратыгар суруксуттаабыта. Онтон Илин-Хаҥалас  улууһун  волревкомун  сэкиритээринэн   анаммыта. 1921 с. Волревком  продналогу хомуйуу  боппуруоһунан  дьарыктаммыта.1922 с.волисполком  сэкиритээринэн  , онтон  председателинэн  талыллан  1924 с. диэри  үлэлээбитэ. Бу  сыл ахсынньы  ыйга  Сэбиэттэр Дьокуускай  уокуругунааҕы  съезтэригэр кыттыбыта. Съезкэ  кинини Дьокуускай  уокурук Ситэриилээх  Комитетын   председателинэн  талбыттара. 1928 с.ыам  ыйыгар  Саха Республиеатын  Ситэриилээх  Комитетын (ЯЦИК)  уонна  Совнаркомун (СНК)  председателинэн  анаабыттара. 1930 с  .Арҕаа-Хаҥаласка  РИК председателинэн  , 1931 с.ЯЦИК-кэ  тэрийэр  отдел сэбиэдиссэйинэн,1932 с.Дьокуускай куорат  сэбиэтин  председателинэн   үлэлээбитэ. 1936-37 сс.Саха  Автаномиятын  15 сылын  бэлиэтиир  ЯЦИК юбилейнай  хамыыһыйатын  эппиэттээх сэкиритээринэн  үлэлээбитэ.  1938 с.сэтинньи  1 күн;гэр  Совнарком   дьыалаларын  дьаһайааччынан  ананан үлэлии  сылдьан  репрессияҕа түбэһэн  хаайыллыбыта.

Түөрт  сыл  хаайыы  эрэйин –муҥун көрөн , доруобуйата   кыайан  тулуйбакка 44 сааһыгар  1942 с. түрмэҕэ  өлбүтэ. 1956 с. муус  устар  29 күнүгэр  Саха  АССР Үрдүкү  Суута   Бубякин Н.В. реабилитациялыыр туһунан  уураах  таһаарбыта. Бубякин  Н.В.  төһө да  кыра  үөрэхтээҕин иһин  М.К.Аммосов,П.А.Ойуунускай , А.Г.Габышев, Х.П.Шароборин   курдук  саха чулуу  уолаттарын  кытта тэҥҥэ  дойдутун  , норуотун туһугар   үлэлии-хамсыы сылдьыбыта.[1]

маны көр[уларыт | биики-тиэкиһи уларытыы]

Ылыллыбыт сирэ[уларыт | биики-тиэкиһи уларытыы]

Саха сирин Национальнай архыыба Ф.З. Оп.4. Д. 156; Ф.4. Оп.51. Д.333

  1. "Дойдум миэнэ Наахара", 2014 с. Дьокуускай. Соловьева Юля, Наахара орто оскуолатын 5 кылаас үөрэнээччитэ