Саха Өрөспүүбүлүкэтин өрөгөйүн ырыата

Бикипиэдьийэ диэн сиртэн ылыллыбыт
Саха Сирин өрөгөйүн ырыата
Тылларын ааптара Савва Тарасов,
Михаил Тимофеев
Композитор Кирилл Герасимов
Дойду Саха СирэFlag of Sakha.svg Саха Сирэ
Бигэргэммит 15.07.2004

Саха Өрөспүүбүлүкэтин өрөгөйүн ырыата Саха Өрөспүүбүлүкэтин ил бэлиэтэ. 2004 c. от ыйын 15 Саха Өрөспүүбүлүкэтин Сокуонунан ылыныллыбыта.

С. И. Тарасов уонна М. Е. Тимофеев тыллара. Композитор — Кирилл Герасимов.

Тыллара[уларыт]

Сахам сирэ дьоллоох тускуга
Саһарҕалыы ыҥыра ыллыыр.
Илинтэн арҕаа ол кустуга
Алмаас таас курдук сандаара сырдыыр.

Хос ырыата

Барҕа быйаҥнаах Сахам дойдута
Модун Россия киэн туттуута,
Өркөн өрөгөй тойугун туойдун,
Үүнэр үйэҕэ үрдүү туруохтун!

Үллэр үөстээх Өлүөнэ Эбэ
Өлбөт мэҥэ угуттуур уулаах.
Элбэх омукка эрчим эбэр,
Или-эйэни олохтуур уохтаах.

Хос ырыата

Барҕа быйаҥнаах Сахам дойдута
Модун Россия киэн туттуута,
Өркөн өрөгөй тойугун туойдун,
Үүнэр үйэҕэ үрдүү туруохтун!

Ааспыт кэммит айхаллаах суола
Арчылыыр аар алгыһын биэрдэ.
Сахабыт сирэ дьоһун, дуолан
Сайдыы аартыгар түөрэҕэ түстэ.

Хос ырыата

Барҕа быйаҥнаах Сахам дойдута
Модун Россия киэн туттуута,
Өркөн өрөгөй тойугун туойдун,
Үүнэр үйэҕэ үрдүү туруохтун!

Өссө маны көр[уларыт]

Сигэлэр[уларыт]