Оҕус (сулустар бөлөхтөрө)
Бикипиэдьийэ диэн сиртэн ылыллыбыт
Оҕус (лат. Taurus) — зодиак сулустарын бөлөҕө, Игирэлэр уонна Хой бөлөхтөр ыккардыларынан баар.
Ис хоһооно |
Үргэл уонна Гиад [уларыт]
Оҕуска икки сулустар мустуулара баар — Гиад уонна Үргэл.
- Үргэл (М 45) эбэтэр "Сэттэ Эдьиий" — 410 сырдык сыла ыраах сытар уонна 500 сулустардаах мустуу. Сытыы харахха 6 - 7 сулус көстөр. Бары бииргэ кыракый хомуос курдук көстөллөр.
- Гиад, 150 сырдык сыла ыраах, 132 бөдөҥ сулустаах уонна 259 бытархай сулустардаах.
Альдебаран [уларыт]
Гиад мустууттан чугас Альдебаран (Оҕус α-та) диэн сулус, араабтыы (الدبران, al-dabarān эбэтэр «батыһан иһээччи»). Урут Оҕус Хараҕа диэн ааттыыллара. Улахана 0,78 - 0,93 ыккардынан баар. 68 сырдык сыла ыраах.
Краб туманность [уларыт]
Астрофизика объекта Краб туманность (М 1), 1054 сыллаахха буолбут дьэлби тэбии тобоҕо (М 1). Халлаан Сиигэр баар. 6300 сырдык сыла ыраах, диаметра 6 сырдык сыла уонна күн аайы 80 мөл. км. улаатар.
Устуоруйата [уларыт]
Былыргы бөлөх. Клавдий Птолемей «Альмагест» каталогар киирбитэ.
Кэтээн көрүү [уларыт]
Күн бу бөлөххө ыам ыйын 11 күнүгэр киирэр. Арассыыйа территориятыттан кыһын ордук көстөр.
