Егоров Василий Назарович - Тумарча
| Тумарча | ||
 | ||
| Төрөөбүт күнэ: |
13 олунньу 1936 (88 саастаах) | |
|---|---|---|
| Төрөөбүт сирэ: | ||
| Дойдута: | ||
| Дьарыга: |
прозаик | |
| Айар сыллара: |
1982 сылтан | |
| Жанр: |
кэпсээн, сэһэн, роман | |
| Айымньыларын тыла: | ||
| Бастакы кинигэтэ: |
Кырыыстаах таас, 1982 | |
| Наҕараадалара: |
| |
Егоров Василий Назарович — Тумарча — саха народнай суруйааччыта.
Олоҕун олуктара
[уларыт | биики-тиэкиһи уларытыы]1936 сыллаахха олунньу 13 күнүгэр Чурапчы улууһун Одьулуун нэһилиэгэр төрөөбүт.
1955—1958 сс. — Орто оскуоланы бүтэрээт, Сэбиэскэй Аармыйа кэккэтигэр сулууспалаабыт.
1958 с. — Саха государственнай университетыгар ИТФ үөрэххэ киирбит. Инженер-геолог дипломын ылан, идэтинэн Үөһээ Индигирдээҕи геологоразведочнай экспедицияҕа сылдьыбыта, ол кэннэ Дьокуускайдааҕы геология Управлениетын систематыгар үлэлээбитэ.
1984 сыллаахтан суруналыыс. Сэттэ сыл «Хотугу сулус» сурунаал редакторынан үлэлээбит.
1989 с. — ССРС суруйааччыларын Сойуустарыгар киирбитэ.
1991 с. — Чурапчы улууһугар «Кулаада» крестьянскай хаһаайыстыба үлэһитэ. Бааһынай хаһаайыстыбатынан 13 сыл дьарыгырбыт. Улахан өҥөлөрүн иһин 1993 сыллаахха Саха Өрөспүүбүлүкэтин Государственнай бириэмийэтин ылбыт.
Дьиэ кэргэнэ, аймахтара
[уларыт | биики-тиэкиһи уларытыы]- Раиса Васильевна — кэргэнэ[1]
- Егоров Василий Васильевич — уола[1]
- Егоров Афанасий Васильевич — уола[1]
Айар үлэтэ
[уларыт | биики-тиэкиһи уларытыы]Бастакы «Соһуччу» диэн ааттаах кэпсээнэ «Кыым» хаһыакка 1977 сыллаахха бэчээттэммитэ.
1982 сыллаахха Дьокуускайдааҕы кинигэ кыһатыттан бастакы «Кырыыстаах таас» сэһэнэ күн сирин көрбүтэ.
1985 сыллаахха «Өрүһүнүү» диэн роман суруйар. Романа нуучча тылыгар тылбаастанан («Возвышение») бэчээттэммитэ.
1994 сыллаахха «Өрүһүнүү» романын иккис чааһын суруйан бүтэрбитэ. Бу айымньыларын «Олох ситимэ» диэн сүрэхтээбит.
Аҕа дойду Улуу сэриитин сылларыгар Булуҥ уонна Кэбээйи оройуоннарыгар күүһүнэн көскө көһөрүллүбүт Чурапчы олохтоохторун туһунан «Өбүгэ тыына» диэн роман суруйбута.
2007 сыллаахха Саха Сирин бастакы Президена М. Е. Николаев туһунан «Биhи Аан Дархаммыт» кинигэтэ күн сирин көрбүт.
Библиография
[уларыт | биики-тиэкиһи уларытыы]- Кырыыстаах таас: Сэhэн. — Дь.: Кинигэ кыһата, 1982. — 142 с.
- Өрүhүнүү. Роман. — Дь.: Кинигэ кыһата, 1985. — 250 с.
- Олох ситимэ: Сэhэн. — Дь.: Бичик, 1994. — 355 с.
- «Биhи Аан Дархаммыт» — 2007.
Наҕараадалара уонна ытык ааттара
[уларыт | биики-тиэкиһи уларытыы]- Саха Өрөспүүбүлүкэтин оҥорон таһаарыы эйгэтигэр Государственнай бириэмийэтин лауреата[2] (1993)
- А. Е. Кулаковскай аатынан Саха Өрөспүүбүлүкэтин Государственнай бириэмийэтин лауреата[1] (2011)
- Саха Өрөспүүбүлүкэтин култууратын үтүөлээх диэйэтэлэ
Кини туһунан
[уларыт | биики-тиэкиһи уларытыы]- Левин И. Өрүhүнүү суолун хайан // Хотугу сулус. — 1989. — № 8. — С. 100—101.
- Михайлов В. Д. Киhи өрүhүллүүтэ // Хотугу сулус. — 1986. — № 8. — С. 100—103.
- Тумат С. Өбүгэ тыына өлбөт // Чолбон. — 1996. — № 2. — С. 124—132.
- Кириллин Д. В., Павлова В. Н., Шевков Д. С. Писатели земли Олонхо — Якутск: Бичик, 1995. — 304 с.
Быһаарыылар
[уларыт | биики-тиэкиһи уларытыы]Сигэлэр
[уларыт | биики-тиэкиһи уларытыы]- Якутский государственный литературный Музей имени П. А. Ойунского: Егоров Василий Назарович — Тумарча
- Биографический интернет-справочник якутской литературы:Писатели Якутии: Василий Егоров — Тумарча
- Биографический интернет-справочник якутской литературы: 70 лет со дня рождения В.Н. Егорова — Тумарча
- Официальный информационный портал Республики Саха (Якутия): Общественность республики отметила юбилей писателя Василия Егорова — Тумарча
- Газета «Якутия» 18.02.2011: Указ Президента Республики Саха (Якутия)
- Газета «Якутия» 22.02.2011: Василий Егоров — Тумарча — геолог, писатель, труженик земли