Башкир судаарыстыбаннай университета

Башкир судаарыстыбаннай медицинскэй университета кытта булкуйума.

Арассыыйаҕа Башкирия киин куоратыгар Уфаҕа баар үрдүк үөрэх тэрилтэтэ.

Устуоруйата

1909 с.от ыйын 2 күнүгэр Арассыыйа үөрэҕин миниистирэ А. Н. Шварц Уфаҕа 3 сыллаах учуутал институтун арыйарга дьаһайбыт. Ону кытта, институт дириэктэринэн Уфатааҕы гимназия учууталын А. Н. Лисовскойу аныырга быһаарбыттар. 1909 с.алтынньы 4 күнүгэр Уфатааҕы учуутал института арыллыбыт. 1912 с. институкка бастакы 24 устудьуон үөрэх толору кууруһун бүтэрбиттэр. Педсэбиэт быһаарыытынан бары "учитель городского училища" диэн сыбаанньаламмыттар уонна Оренбургскай уокурук үөрэҕин тэрилтэлэригэр үлэҕэ анаммыттар. 1917 с. 2-с куурус устудьуоннарын аан бастаан икки хайысханан салгыы үөрэнэргэ анаан араарбыттар: физико-математическай уонна естественно-географическай. Бастакы кууруска үс салааҕа ылар буолбуттар: Историко-литературнай Физико-математическай Естественно-географическай.

1919 с. Норуот үөрэҕириитин института диэн ааттаммыт. 1923 с. "Практическай" диэн ааттанан, эбии, тыа хаһаайыстыбатын испэссээлиистэрин бэлэмниир буолбут. 1929 с. кини базатыгар К.А. Тимирязев аатынан Башкир судаарыстыбаннай педагогическай института буолбут. 1930 с.салаалара факультет буолбуттар, 15 кафедра баар буолбут. Ол сыл кэтэхтэн үөрэнии, эһиилигэр - киэһээҥҥи салаалар арыллыбыттар.

1957 с.от ыйын 20 күнүгэр ССРС МС уурааҕынан Башкир судаарыстыбаннай университета диэн ааттаммыт.

Структурата[уларыт | биики-тиэкиһи уларытыы]

Университекка 10 факультет, 105 кафедра, 5 институт, 1 кэллиэс уонна Сибай, Стерлитамак, Нефтекамск, Бирск куораттарга филиаллар бааллар.

Рейтиннэрэ[уларыт | биики-тиэкиһи уларытыы]

1. QS World University Rankings Региональнай рейтин - QSEECA(Emerging Europer and Central Asia)2020:

а)Аан дойдуга 301-350 миэстэ.

б) Арассыыйаҕа 85-105 миэстэ.

в) Башкортостаҥҥа 2-3 миэстэ

2. Times Higher Education(THE)Мировой рейтинг - World University Ranking2020

а) Аан дойдуга 1001 миэстэ

б) Арассыыйаҕа 16-39 миэстэ

в) Башкортостаҥҥа 1-2 миэстэ

3. Subject Ranking-Направление "Physical Sciences"2020

а) Аан дойдуга 801 миэстэ

б) Арассыыйаҕа 24-33 миэстэ

в) Башкортостаҥҥа 1-2 миэстэ

Ссылкалара[уларыт | биики-тиэкиһи уларытыы]

https://bashedu.ru/ru Архыыптаммыт 2020, Ахсынньы 2 күнүгэр. http://rus.bashenc.ru/index.php/component/content/article/2-statya/171 Архыыптаммыт 2020, Алтынньы 15 күнүгэр.