Башкир судаарыстыбаннай медицинскэй университета

Башкир судаарыстыбаннай университета кытта булкуйума.

Башкир судаарыстыбаннай медицинскэй университета (БСМУ)

БСМУ - Уфа куоракка баар Арассыыйа Бэдэрээссийэтин доруобуйа харыстабылын министиэристибэтин бэдэрээлинэй судаарыстыбаннай бүддьүөттэн үбүлэнэр үрдүк үөрэх тэрилтэтэ.

Башкир медицинскэй института 1932 с. төрүттэммитэ.

Устуоруйата[уларыт | биики-тиэкиһи уларытыы]

Бастаан, институт рабфагы кытта Фрунзе уулуссатыгар баар 47 нүөмэрдээх ФЗО оскуолатын дьиэтигэр баара. Кэлин, дьиэни бүтүннүү институтка биэрбиттэрэ. Онтон саҥа корпус тутуллубута.

1933 с. институтка быраас В. М. Романкевич, учууталлар В. А. Словохотов, Р. И. Сафаров салайан үлэлэппит гистология кафедрата омук тылларын уонна байыаннай дьыала кабинеттара арыллыбыттара.

1933 с. институтка "имени ХV-летия ВЛКСМ" диэн сыбаанньа иҥэриллибитэ.

1934 с. нормальнай физиология(проф. Н. С. Спасскай), микробиология(проф. С. А. Белявцев), патологическай физиология(быраас В. А. Самцов), оперативнай хирургия(быраас В. М. Романкевич), фармокология(доцент И. А. Лерман) кафедралара,

клиническай кафедралар - пропедевтика внутр.болезней(проф. Д. И. Татаринов), общай хирургия(доцент И. Д. Аникин) арыллыбыттара.

1938 с. институтка 9 пофессор, 23 доцент салайар 32 кафедра баар этэ.

1937 с. бастакы устудьуоннар үөрэнэн бүтэн быраас буолан тахсыбыттара.

1038 с.институт теоретическай уонна клиническай кафедраларын научнай чинчийиилэрин түмпүт бастакы хомуурунньуга тахсыбыт.

1941 с. институт базатыгар, Уфаҕа эвакуацияламмыт Москва 1 медицинскэй института, туох баар устудьуоннарын уонна профессорскай-преподавательскай кэллэктиибин кытта олохсуйбута. Быраастар үөрэхтэрин уһуна 4 сылга диэри кылгатыллыбыта.

1965 с. институтка 22 дуоктар, 102 наука кандидата бааллара, онтон 1970 с. институт элбэх профиллаах үрдүк үөрэх тэрилтэтигэр кубулуйбута.

2012 сылтан "Вестник БГМУ" сурунаал тахсар.

Билиҥҥи кэмҥэ, университетка хирурдар, терапевтар, онкологтар, неврологтар, инфекционистар, дерматологтар, биохимиктар, морфологтар научнай оскуолалара бааллар. Университетка

220 дуоктар уонна 515 наука кандидаттара үлэлииллэр. Үөрэх нууччалыы тылынан барар, тас дойдуттан кэлбит устудьуоннар, сороҕор, английскай тылы тутталлар.