Лебедев Виктор Николаевич

Лебедев Виктор

Виктор Николаевич Лебедев — тустуук, норуоттар ыккардыларынааҕы кылаастаах спорт маастара, 2009 с. көҥүл тустууга Арассыыйа чөмпүйүөнэ, 2010 с. Москва к. буолбут Аан дойду көҥүл тустуу кыайыылааҕа (чөмпүйүөн).

1989 сыллаахха Томпо улууһугар Тополинай бөһүөлэккэ төрөөбүт. Бастакы тренера Иван Дмитриев. Оскуола үөрэнээччилэрин спартакиадатын кыайыылааҕа, Арассыыйа первенствотын кыайыылааҕа (Дьокуускай, 2006 с.), аан дойду первенствотын кыайыылааҕа (Гватемала, 2006 с.). Норуоттар ыккардыларынааҕы «Иван Ярыгин» гран-при үрүҥ көмүс призера (2009 с.). Арассыыйа чөмпүйүөнэ (Казань, 2009). Аан дойду боруонса призера (Дания).

Красноярскай куоракка ССРС үтүөлээх тренера Дмитрий Миндиашвилига дьарыктаммыт, билиҥҥи тренера Модосян Владимир Гегамович.

Кыайыылар

• 2010 сыл балаҕан ыйын 10 күнүгэр Москваҕа 55 кг диэри ыйааһыҥҥа аан дойду чемпиона буолбута.
• 2011 сыл от ыйын 1 күнүгэр Дьокуускайга 55 кг диэри ыйааһыҥҥа Россия чемпиона буолбута.

Туһаныллыбыт сирдэр

• Якутянин стал чемпионом России по вольной борьбе
• Виктор Лебедев – чемпион мира по вольной борьбе в весовой категории до 55 кг!
• Схватка Виктора Лебедева и Джамала Отарсултанова – мнения Андрея Силецкого и Анатолия Маргиева