1641 сыл

1641 сыл.

Туох буолбута

Воин Шахов донесениетыгар суруйбут: Бүлүүгэ сахалар уонна тоҥустар ахсааннара 3000 кэриҥэ (дьаһаах төлүөн сөп эр дьону аахпыт курдук). Ол эрээри элбэх киһи дьаһаах төлөөбөтүн, ону ааһан Марха үрэххэ олорор дьон булчуттары (промышленных людей) өлөртүүллэрин үҥсүбүт"^[1].

Бүлүү Тоҕус буолаһын дьахтара (якуцкая жонка Малнек) бойобуода П. Головинтан сүрэхтэниэн баҕарарын туһунан көрдөспүт^[1].

Бэс ыйын 9 (уруккуннан ыам ыйын 30) — Дьокуускай бойобуодата Петр Головин Өлүөнэ баһыгар Киренга үрэххэ пятидесятник Мартын Васильевы уонна хаһаак десятнигын Аксен Опилкиевы ыытар туһунан приговора (сорудаҕа) тахсыбыт. Онно тоҥустартан харанарга остуруок тутар туһунан, уонна кинилэргэ тэргэннэри, сааны-сэбиргэли уонна бэлэхтииргэ анаан табаар биэрэр туһунан суруллубут^[2].
От ыйын 20 (уруккуннан от ыйын 10) — Десятник Василий Юрьев Воин Евтифеевтан Өлүөхүмэ остуруогун туппут. Бу туһунан росписной испииһэккэ тутуулар, аманааттары олордор усулуобуйа, саа-сэбиргэлин уонна ас-үөл испииһэктэрэ киирбиттэр^[3].

Головин Мангазея дьаһаах хомуйааччыларыгар суруйбут отпискатыгар ыраахтааҕы ыйааҕынан Бүлүү симиэбийэтэ Дьокуускай остуруогар сыһыарыллар буоларын туһунан суруйбут. Оттон Мангазея былаастара Москубаҕа Сибиир бирикээһигэр бүтэһик Бүлүү дьаһааҕын ыыталларыгар "впредь из Мангазеи на Вилюй реку посылки не будет" диэн биллэрбиттэр^[1].

1 2 3 Н.С. Миронов, К.П. Гаврильева, Л.Я. Кононова и др. За четыре века. Летопись Якутского улуса (XVII — нач. XXI в.) / К.В. Гаврильева. — 2-е изд., перераб. и доп.. — Якутск: Айар, 2025. — С. 12. — 400 с. — 300 экз. — ISBN 978-5-7696-6990-3
↑ РГАДА. Фонд 117. Якутская приказная изба. Д. 79. Л. 341-346
↑ РГАДА. Фонд 117. Якутская приказная изба. Стб. 259. Л. 3