Чжу Цзыцин
Чжу Цзыцин (Сэтинньи 22, 1898 – Атырдьах ыйын 12, 1948), төрүүрүгэр Чжу Цзыхуа (Zhu Zihua), аатырбыт Кытай бэйиэтэ уонна кэпсээнньитэ. Пекин университетыгар үөрэммитэ, 1920-с сылларга үөдүйбүт Ыам ыйын 4 күнүн аатынан хамсааһын кэмигэр Кытайга саҥаны киллэрээччилэртэн биирдэстэрэ. Прозаны да хоһооннору да элбэхтик суруйбута, ол эрээри икки кэпсээнинэн кэпсээнньит быһыытынан ордук биллибитэ: "Төннөр төрүөх" "Retreating Figure" (Chinese: 背影; pinyin: Bèiyǐng) уонна "Эн. Мин." "You. Me." (Chinese: 你我; pinyin: Nǐ wǒ). Саамай биллибит хоһооно "Алдьатыы" эбэтэр Huimie (simplified Chinese: 毁灭; traditional Chinese: 毀滅; pinyin: Huǐmiè).
Эдэр эрдэҕинээҕитэ
[уларыт | биики-тиэкиһи уларытыы]1916 сыллаахха Чжу орто оскуоланы бүтэрэн Пекиин университетыгар киирбитэ. Онно үөрэнэ сылдьан Ву Чон Цын диэн кыыһы таптаан, ойох ылбыта. Биир сыл буолан баран Цзыхуа диэн аатын Цзыцин диэн аакка уларыппыта, ол төрүөтүн дьиэ кэргэнэ дьадаҥытык олорбутунан быһаарбыта. Үөрэҕин 1920 сыллаахха бүтэрэн баран Ханчжоу, Йанчжоу, Шанхай уонна Нинбо орто оскуолаларыгар учууталлаабыта. Учууталлыы сылдьар кэмигэр хоһоонньуттары кытта алтыспыта, хоһоонноро биллибитэ.
Academia
[уларыт | биики-тиэкиһи уларытыы]Кэлин, 1925 сыллаахха Цинхуа университетыгар Кытай литэрэтиирэтин бэрэпиэссэринэн анаммыта. Онтон 1928 сыл атырдьах ыйыгар кэпсээннэрин бастакы хомуурунньугун "Төннөр төрүөх" диэн ааттаан таһаарбыта. Кинигэ сүрдээх киэҥник тарҕаммыта уонна сотору кэминэн Чжу дьоһуннаах суруйааччы уонна бэйиэт быһыытынан биллибитэ. Сотору кэминэн ойоҕо өлөн хаалбыта, бу киниэхэ улахан охсуу буолбута. 1931 сылтан 1932 сыллаахха диэри Чжу Лондоҥҥа Ааҥыл литэрэтиирэтин уонна тылын үөрэппитэ. Чэнь Чжуинь диэн дьахтары ойох ылбыта. Салгыы Цинхуа университетыгар үлэлээбитэ.
1937 сыллаахха Иккис Кытай-Дьоппуон сэриитин кэмигэр университетын кытта Чаншааҕа, Куньмииҥҥэ уонна Чэндууга эвакуацияҕа сылдьыбыта.
Хойукку олоҕо уонна өлүүтэ
[уларыт | биики-тиэкиһи уларытыы]Иккис Аан дойду сэриитин кэнниттэн Куньмин устудьуоннарын Чан Кайшины утары туралларыгар ыҥырбыта. 1946 сыллаахха Пекииҥҥэ төннүбүтэ уонна Цинхуа университетыгар кытай тылын факультетын салайааччыта буолбута. Ли Гоҥпу уонна Вэнь Идо диэн суруйааччылары өлөрбүттэригэр, кутталы аахсыбакка иккиэннэрин көмүүтүгэр сылдьыбыта.
Чжу 1948 сыллаахха АХШ көмөтүн утары бастаанньаҕа кыттыспыта. Бу сылдьан куртаҕа тэстэн өлбүтэ. Мао Цзэдун "Быраһаай, Лейтон Стюарт" диэн биллэр ыстатыйатыгар аччыктаан өлбүтэ диэн суруйбута [1].
Быһаарыылар
[уларыт | биики-тиэкиһи уларытыы]- ↑ 宋晓东. 被歪曲的历史真相：朱自清是怎么死的？ (Chinese) (8/12/2014).
Тас сигэлэр
[уларыт | биики-тиэкиһи уларытыы]- Biography
- Capsule biography from Renditions
- Bilingual edition of Zhu Ziqing's "Retreating Figure" Архыыптаммыт 2005, Олунньу 17 күнүгэр.
- Ni wo, 《你我》 (Trad. Chinese)
- Works by Zhu Ziqing at Project Gutenberg
- Works by Zhu Ziqing at LibriVox (public domain audiobooks)
