ЧВК Вагнер

Wagner Group (Ол эбэтэр "ЧВК Вагнер", сах. Чааһынай байыаннай тэрилтэ Вагнер), Арассыыйа чааһынай байыаннай тэрилтэтэ. 2013 сылтан ыла үлэлиир, Владимир Путин уонна былаас этиллибит ыйааҕын толорор.

2014 сылтан ыла Сирия уонна Украина сиригэр сэриигэ кыттыбыттарынан биллэр, үксэ Арассыыйа диэкки буолар байыаннай түмсүүлэри хаххалаабыттарынан биллэр. Ити же сылга ЧВК Вагнер Сирияҕа биир киһини эттээн өлөрбүттэрэ интернеткэ тахсан айдаан тахсыбыта.

2015 сыллаахха ДНР уонна ЛНР диэн Украинаттан арахса сатыыр саҥа бэйэлэрин туспа билиммит республикалар туһугар ЧВК Вагнер кыттыбыта.

2017 сыллаахха Мозамбикка кыттыбыттара.

2020 сыллаахха Беларуссияҕа тутуллубуттара.

2022-2023 сылларга ЧВК Вагнер Арассыыйа үрдүнэн хаайыылаахтары босхолоон Украинаҕа ыыппыта, сэрииттэн тыыннаах кэлбиттэр буруйдарын хаанынан сууйаннар босхоломмуттара. Арассыыйаҕа криминальнай ситуация күүһүрдэ.

Америка, Япония, Германия, Украина, Турция, Канаада, Соҕуруу Корея, Улуу Британия, Франция дойдулара ЧВК Вагнер тэрилтэни террористары өрө көтөҕөр дииллэр уонна санкция испииһэгэр киирэллэр.

ЧВК Вагнер саллааттарын бэлэмниир сирэ Ростовскай уобаласка баар.

ЧВК Вагнер солбуйааччыта - Дмитрий Валерьевич Уткин, СКС (ГРУ) үлэһитэ, спецназ.

Евгений Пригожин диэн террорист киһи ЧВК Вагнеры салайар диэн буолбута.