Федотов Симон Петрович

Бикипиэдьийэ диэн сиртэн ылыллыбыт

Федотов Симон Петрович (01.04.1939—14.05.2004) — Российскай Федерация үтүөлээх артыыһа.

Олоҕун олуктара[уларыт | биики-тиэкиһи уларытыы]

1939 сыллаахха муус устар 1 күнүгэр Үөһээ Бүлүү улууһун Оҥхой с. Орто сир диэн түбэҕэ төрөөбүт. 1945 сыллаахха Оҥхой начальнай оскуолатыгар 6 саастааҕар маҥнайгы кылааска үөрэнэ киирбит. 1958 сыллаахха Исидор Барахов аатынан орто оскуоланы бүтэрэн баран, комсомол путевкатынан М. Горькай аатынан колхуоска босхоломмут комсомол секретарынан, онтон баҕа өттүнэн тылланан, ньирэй көрөөччүнэн үлэлии барбыт.
1960 сыллаахха Дьокуускайдааҕы кульпросвет училищеҕа үөрэнэ сылдьан, Щепкин аатынан Москватааҕы театральнай училищеҕа актерскай факультекка, саха студиятыгар үөрэнэ барбыта. 1966 сыллаахха бүтэрэн баран Ньурбатааҕы драмтеатрга бүтүн студиянан үлэлии барбыттара. Ньурба театрыгар 1977 с. дылы үлэлээбитэ.
П. А. Ойуунускай аатынан Саха театр артыыһа.

Айар үлэтэ[уларыт | биики-тиэкиһи уларытыы]

Айар үлэтин М. Шолохов «Тиэриллибит кырыһыгар» дед Щукарь оруолуттан саҕалаабыта.

Театрга оонньообут оруоллара[уларыт | биики-тиэкиһи уларытыы]

  • Полоний («Гамлет», У. Шекспир)
  • Бэрт Хара («Утро Лены», И. Гоголев, Ф. Потапов туруоруута)
  • Орган («Хаарыан хампа күөх кытылым», Ч. Айтматов)
  • Куриль («Ханидуо уонна Халерхаа», Семен Курилов)
  • Поэт («Мной оставленные песни», А. Борисов, В. Протодьяконов)
  • Глостер («Король Лир»)

Наҕараадалара уонна ытык ааттара[уларыт | биики-тиэкиһи уларытыы]

  • Российскай Федерация үтүөлээх артыыһа
  • Саха Өрөспүүбүлүкэтин үтүөлээх артыыһа
  • ССРС Государственнай бириэмийэтин лауреата (1983)

Аатын үйэтитии[уларыт | биики-тиэкиһи уларытыы]

С. П. Федотов аата Оҥхой оскуолатыгар иҥэриллибит[1] (2007)

Быһаарыылар[уларыт | биики-тиэкиһи уларытыы]

  1. Указ Президента РС(Я) от 30.10.2007 № 624 «О присвоении имени С. П. Федотова муниципальному общеобразовательному учреждению „Онхойская основная общеобразовательная школа муниципального образования „Верхневилюйский улус (район)“ Республики Саха (Якутия)“». — Газета «Якутия» № 209, 03.11.2007; Газета «Саха Сирэ» № 209, 03.11.2007

Сигэлэр[уларыт | биики-тиэкиһи уларытыы]