Федоров Евграф Григорьевич

Бикипиэдьийэ диэн сиртэн ылыллыбыт
Перейти к навигации Перейти к поиску

Федоров Евграф Григорьевич - Гражданскай сэрии кыттыылааҕа, Саха АССР доруобуйа харыстабылын наркома, хирург, медицинскэй сулууспа майора.

Нам улууһун Ойуун Уус нэһилиэгэр (билигин Горнай улууһун Атамай нэһилиэгин сирэ) 1889 с. төрөөбүт. Миссионердар оскуолаларын бүтэрбит. 1913 с. Дьокуускайдааҕы биэксэл-акушер оскуолатыгар үөрэнэн биэксэл идэтин ылбыт. Саха губерниятын доруобуйа харыстабылын салаатын сэбиэдиссэйинэн үлэлээбит. Бүлүүгэ уонна Халымаҕа хара уоспаны утары охсуспут. Гражданскай сэрии кыттыылааҕа. 1926 с. Москубатааҕы иккис медицинскэй институуту үөрэнэн бүтэрэр, онтон 3 сыл Саха АССР доруобуйа харыстабылын наркомуомунан үлэллэбит.

1936 с. Кытай Синцзянь провинциятыгар хируурдаабыт. 1940 с. Москубаҕа хирургияҕа үөрэҕин салгыыр, онтон Таджикистааҥҥа Исфар диэн сиргэ балыыһа сэбиэдиссэйинэн үлэлиир. 1941-44 сылларга Улан-Удэ медико-эвакуационнай пуунугар хирург-инспектордыыр. 1944-46 сс. эмиэ Исфарга үлэлиир.

1947 сыллаахха рентгенолог үөрэҕэр үөрэнэр. Дьокуускайга онкология диспаансерыгар үлэлээбит[1].

1973 сыллаахха өлбүт.

Ленин уордьанын, Кыһыл Знамя уонна Бочуот Знаага уордьаннар кавалердара. Бэрдьигэстээх кыраайы үөрэтэр түмэлигэр кини туһунан экспозиция баар[2].

Быһаарыылар[уларыт | биики-тиэкиһи уларытыы]

  1. История Горного улуса в I половине XX века. В.Ф. Степанов, Бичик, 2008, 44-с сир.
  2. Посетил сельский музей