Степанов Николай Саввич

	Николай Саввич Степанов
Төрөөбүт күнэ	13 ыам ыйын 1922
Төрөөбүт сирэ	Өргүөт нэһилиэгэ, Орто Бүлүү улууһа, Саха АССР
Өлбүт күнэ	20 балаҕан ыйын 1992 (70 сааһыгар)
Сулууспалаабыт дойдута	ССРС
Сулууспалаабыт сыллара	1943—1947
Солото	Рядовой
Чааһа	45-с механизированнай биригээдэ, 6-с танковай аармыйа
Кыргыһыылар/сэриилэр	Аҕа дойду Улуу сэриитэ; ; ССРС—Япония сэриитэ

Бикипиэдьийэҕэ маннык араспаанньалаах дьон туһунан ыстатыйалар бааллар, көр Степанов.

Степанов Николай Саввич (13.05.1922, Өргүөт нэһилиэгэ, Орто Бүлүү улууһа^[1] — 20.09.1992) — Аҕа дойду Улуу сэриитин кыттыылааҕа, Сэбиэскэй Сойуус Дьоруойа (1990).

Олоҕун олуктара

1922 сыл ыам ыйын 13 күнүгэр Орто Бүлүү улууһун Өргүөт нэһилиэгэр^[1] төрөөбүт.
Сэрии саҕаланыан иннинэ нэһилиэк Сэбиэтин исполкомун сэкиритээринэн үлэлээбит, Бүлүү педучилищетын бастакы кууруһун бүтэрбит.
1992 сыллаахха балаҕан ыйын 20 күнүгэр өлбүт.

Сэриигэ кыттыыта

Аармыйаҕа 1943 с. бэс ыйыгар Бүлүү оройуоннааҕы военкоматынан ыҥырыллан барбыт.
Тыылга кылгас кэмнээх байыаннай үөрэҕи бүтэрбит. Сэриилэһэр аармыйаҕа тиийэн 1944 с олунньутуттан 5-с механизированнай биригээдэтин 1-кы мотострелковай батальонугар пулеметчик буолбут.
Украина, Молдова, Румыния, Югославия, Венгрия, Австрия, Чехословакия уонна Прага куорат босхолооһуннарыгар кыттыбыт.

Арҕаа сэрии бүппүтүн кэннэ, Уһук Илин фронугар тиийэн, Япония Квантунскай аармыйатын урусхаллааһыҥҥа кыттыбыт.
1944 с. кулун тутар ыйга Степанов подразделениета Соҕуруу Буугу туораан анараа кытылга тахсар бирикээһи ылар. Онно буойун уҥуор тахсан пулеметун уотунан пехота Маньковка дэриэбинэни ыларыгар кыах биэрбитэ, кыргыһыыга тус бэйэтэ 15 өстөөҕү уонна биир пулемет расчетун суох гыммыт. Ити хорсун быһыытын иһин Герой аатыгар түһэриллибит. Ол гынан баран, докумуоннара сүтэн, наҕараадатын ылбатаҕа.^{[төрүтэ ыйыллыбатах 3609 күн]}

Сэбиэскэй Сойуус Геройун аата 1990 сыллаахха ыам ыйын 5 күнүгэр иҥэриллибит, ону бэйэтэ Москубаҕа Кремльга баран туппут.

Наҕараадалара уонна ытык ааттара

«Кыһыл көмүс Сулус» мэтээл (05.05.1990)
Ленин уордьана (05.05.1990)
Кыһыл Знамя уордьана (28.04.1944; Сэбиэскэй Сойуус Геройун аатыгар түһэриллибит)^[2]
Аҕа дойду сэриитин I ст. уордьана (06.04.1985)^[3]
Мэтээллэр
Бүлүү улууһун ытык киһитэ^[4]

Үйэлээх аата

Герой аата Бүлүү куоратын 3 №-дээх оскуолатыгар иҥэриллибит.
Н. С. Степанов аатынан Бүлүүгэ уулусса ааттаммыт.
Балаҕаччыга Герой бүүһэ туруоруллубут^[5].

Быһаарыылар

↑ ^1,0 ^1,1 Билиҥҥи Арыылаах нэһилиэгэ, Бүлүү улууһа.
↑ Наградные документы в электронном банке документов «Подвиг Народа»
↑ Карточка награждённого к 40-летию Победы в электронном банке документов «Подвиг Народа»
↑ Официальный информационный портал Республики Саха (Якутия): Почетные граждане Вилюйского улуса
↑ Саха саарыннара. Хомуйан оҥордулар Л. Г. Николаев, А. Г. Николаев, Ф. Э. Данилов. — Дь.: «Кудук», 1998. — ISBN 5-7863-0122-2

Сигэлэр

Степанов Николай Саввич. Cитим-сир «Герои Страны».

Якутяне — Герои Советского Союза и Российской Федерации кавалеры ордена Славы 3-х степеней

[А-1] 1,0 ^1,1 Билиҥҥи Арыылаах нэһилиэгэ, Бүлүү улууһа.

[2] Наградные документы в электронном банке документов «Подвиг Народа»

[3] Карточка награждённого к 40-летию Победы в электронном банке документов «Подвиг Народа»

[4] Официальный информационный портал Республики Саха (Якутия): Почетные граждане Вилюйского улуса

[5] Саха саарыннара. Хомуйан оҥордулар Л. Г. Николаев, А. Г. Николаев, Ф. Э. Данилов. — Дь.: «Кудук», 1998. — ISBN 5-7863-0122-2

[1]

[2]

[3]

[4]

[5]