Слепцов Дмитрий Иванович

Бикипиэдьийэ диэн сиртэн ылыллыбыт

Слепцов Дмитрий Иванович (1867-1933) - Мэҥэ улууһун кулубата, уопсастыбаннай диэйэтэл, телеграф линиятын тутааччы уонна балыгынан эргиммит атыыһыт.

Мэҥэ улууһун Үһүс Мэлдьэхси нэһилиэгиттэн төрүттээх. Мэҥэ улууһун кулубата буола сылдьыбыт, Сахалар сийиэстэрэ буолуон эрэ иннинэ иккистээн талыллыбыт. Тулагы баайа Эверстов күтүөтэ. Дьокуускайга прогимназияны үөрэнэ бүтэрбит[1]. Дьокуускай - Охуоскай телеграф линиятын тутууга бэдэрээт ылан дьону улэлэппитэ биллэр. Өлүөнэ дельтатыгар дьону балыктатан эргинэр эбит. Инородецтар сийиэстэригэр улуус бэрэстэбиитэлинэн талыллар эбит, Сахалар Сойуустарын Киин кэмитиэтин чилиэнэ буола сылдьыбыт. Бэйэтин улууһугар тэрилтэ салаатын тэрийбит. 1913 с. Романовтар династиялара 300 сылын туолуутугар Санкт-Петербурга бара сылдьан сахалар араас кыһалҕаларын биэдэмистибэлэргэ туруорсубут киһи.

1921 с. икки сылга күһэйиилээх үлэҕэ ыытыллыбыт. Онтукатын 1991 сыллааха реабилитациялаабыттара[2]

1933 сыллаахха өлбүт.


Быһаарыылар[уларыт | биики-тиэкиһи уларытыы]

  1. Слепцов Н.М. Сэдэх хаартыска туһунан. Күрүлгэн. 2012
  2. Якутия. Историко-культурный атлас. 2007, М.