Сивцев Матвей Матвеевич - Маппыйдаан Маппый

Бикипиэдьийэ диэн сиртэн ылыллыбыт
Перейти к навигации Перейти к поиску

Сивцев Матвей Матвеевич - Маппыйдаан Маппый (1882-1923) учуутал, Чөркөөххө икки оскуоланы туттарбыт өҥөлөөх киһи, ВЯОНУ бэрэстээтэлин солбуйааччы.

Таатта сиригэр Үһүс Дьохсоҕон нэһилиэгэр төрөөбүт. Суорун Омоллоон чугас аймаҕа.

Реальнай училище 5 кылааһын бүтэрбит. 1899-1919 сыллардаахха Чөркөөххө, Намҥа, Чурапчыга учууталлаабыт, Былатыан Ойуунускай бастакы учуутала. 1902 сыллаахха Ольга Дьячковская диэн аҕабыыт огдооботун кэргэн ылбыт, киниттэн 1912 сыллаахха Модест диэн уолламмыт.

1920 сыллаахха губревком үөрэххэ инспекторынан анаммыт. Чөркөөххө икки оскуоланы туттарбыт.

Гражданскай сэрии сылларыгар үрүҥнэр диэки буолбута. 1921 сыллаахха ВЯОНУ бэрэстээтэлин солбуйааччытынан анаммыта, онтон үрүҥнэр Охуоскайга күрүүллэригэр ВЯОНУ баайын харайааччынан ананан сылдьыбыт. 1923 сыллаахха Охуоскайга тиийиэ 10 биэрэстэ хаалбытын кэннэ Худояров уонна Шипков диэн эппиһиэрдэр тиэйэн иһэр баайын ылаары ойоҕун, уолун уонна харабылын Айанньыытап диэн эдэр киһини кытта өлөрөн кэбиһэллэр. Шипков диэн Бүлүү киһитэ Сиипсэптиин реальнай училищеҕа бииргэ үөрэммит киһитэ.

Бу түбэлтэни Былатыан Ойуунускай "Үрүҥ бандьыыт ырыата" диэн 1928 сыл олунньутугар "Кыым" хаһыакка тахсыбыт хоһоонугар суруйбуттаах[1].

Быһаарыылар[уларыт | биики-тиэкиһи уларытыы]

  1. Слепцов Н.М. Сэдэх хаартыска туһунан. Күрүлгэн. 2012


[[Категория:]]