Саха сиринээҕи Наука киинэ

Саха сиринээҕи Наука киинэ (нууч. Якутский научный центр Сибирского отделения Российской академии наук) — Арассыыйа Наукаларын Академиятын Сибиирдээҕи салаатыгар киирэр Саха Өрөспүүбүлүкэтин билим тэрилтэлэрин түмэр тэрилтэлэриттэн биирдэстэрэ.

Устуоруйаттан

• 1947 сылтан — Саха сиринээҕи наука чинчийэр база;
• 1949 сылтан — ССРС Наукаларын Академиятын Саха сиринээҕи филиал;
• 1957 сылтан — ССРС Наукаларын Академиятын Сибиирдээҕи салаатын Саха сиринээҕи филиал;
• 1988 сылтан — Арассыыйа Наукаларын Академиятын Сибиирдээҕи салаатын Саха сиринээҕи наука киинэ.

Билигин Наука киинигэр 2242 киһи үлэлиир, ол иһигэр 590 наука сотрудниктара, олортон 60 наука доктордара уонна 300 тахса наука кандидаттара. Наука үлэһиттэртэн 5 Арассыыйы Наукаларын Академиятын чилиэн-корреспонденнар, 12 Саха Өрөспүүбүлүкэтин Наукаларын Академиятин дьиҥнээх чилиэннэрэ уонна 33 атын Академиялар чилиэннэрэ.

Наука киинин састаабар киирэр тэрилтэлэр

• Космофизика чинчийиилэр уонна аэрономия института;
• Геология наукаларын института;
• Ирбэт тоҥу чинчийэр институт;
• Хотугу сир физика уонна техника проблемаларынү института;
• Металл буолбатах матарыйаалларын института;
• Хотугу сир хайа дьыалатын института;
• Биология института;
• Хотугу аҕыйах ахсааннаах норуоттар проблемаларын института;
• Хотугу территориялар сайдыытын норуоттар икки ардыларынааҕы киин;
• Наука технологиятын комплекса уонна анаализтыыр киин;
• Опыт методикатын сейсмология партията.

Наука киинин салайбыттара

• 1949 - 1952 сылларга — Цытович Николай Александрович, ССРС НА чилиэнэ-корреспондена;
• 1952 - 1957 сылларга — Дадыкин Всеволод Петрович, биология доктора;
• 1957 - 1964 сылларга — Рожков Иван Сергеевич, ССРС НА чилиэнэ-корреспондена;
• 1964 - 1987 сылларга — Черскэй Николай Васильевич, ССРС НА академига;
• 1987 - 1992 сылларга — Крымскай Гермоген Филиппович, Арассыыйа НА академига;
• 1992 - 1997 сылларга — Ларионов Владимир Петрович, Арассыыйа НА чилиэнэ-корреспондена;
• 1997 - 2002 сылларга — Уржумцев Юрий Степанович, Арассыыйа НА чилиэнэ-корреспондена;
• 2002 - 2004 сылларга — Ларионов Владимир Петрович, Арассыыйа НА чилиэнэ-корреспондена;
• 2004 сылтан — Сафронов Александр Федотович, Арассыыйа НА чилиэн-корреспондена.

Ылыллыбыт сирэ

• Саха сиринээҕи Наука киинин саайта