Өрөспүүбүлүкэтээҕи лицей

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Өрөспүүбүлүкэтээҕи лицей (толору официальнай аата Республикатааҕы лицей-интернат, ол иннинэ Өрөспүүбүлүкэтээҕи колледж, Өрөспүүбүлүкэтээҕи физико-математическай оскуола диэн ааттана сылдьыбыта) — Дьокуускайга баар Саха Сирин бүттүүнүттэн дьоҕурдаах оҕону сүүмэрдээн ылан үэрэтэр оскуола. Лицей дириэктэрэ — физика-математика билимин дуоктара И.И. Шамаев. Лицей СГУ сүрүн үөрэх куорпуһугар этээс аҥарын өр сылларга ылан олорбута, интэринээтэ СГУ 17-с куорпуһугар баара. Билигин Ойуунускай уулуссатыгар туспа дьиэлэнэн олорор.

Устуоруйата[уларыт | биики-тиэкиһи уларытыы]

Норуот учуутала М.А. Алексеев дьоҕурдаах оҕолору биир сиргэ мунньан дириҥэтэн үөрэтэр табыгастаах диэн санаатын туруорсан, 1966 сыллаахха республикаҕа биэс физико-математическай кылаас аһыллыбыта. Ол кэнниттэн профильнай оскуола тэрийиитин боппуруоһа кыайтарбат буола сылдьыбыта. «Физико-математическай кылаастар бааллар, туһунан оскуола наадата суох» диэн тохтотоллоро.

1970 сыллаахха Новосибирскайтан физико-математическай наука кандидата, алгебраҕа специалист-учуонай Исмаил Шахбаз оглы Алиев ССРС Наукатын академиятын Сибиирдээҕи салаатын аатыттан өрөспүүбүлүкэтээҕи математика олимпиадатыгар кэлбитэ. Ол кэмҥэ Новосибирскай университетыгар аналлаах физико-математическай оскуола баара. И. Ш. Алиев Өрөспүүбүлүкэҕэ эмиэ оннук оскуола аһар туһунан, арыллар буоллаҕына тэрийиитин салайан дириэктэрдии кэлэр туһунан СГУ үрдүк алгебра уонна геометрия кафедратын сэбиэдиссэйэ С. Н. Семеновтыын, физико-математическай факультетын декана Е. Т. Софроновтыын кэпсэппитэ. Кинилэр өйөөннөр, СГУ ректора И. Г. Попов Алиевы 1971 сылтан университекка ыҥырбыта. Ол кэмҥэ СГУ-га алгебраҕа учуонай степеннээх специалист суох этэ.

1972 сыл атырдьах ыйын 14 күнүгэр Республикатааҕы физико-математическай оскуола аһылларын туһунан Саха АССР Миниистирдэрин Сэбиэтин урааҕа тахсар.

И.Ш. Алиев аҕыс сыл дириэктэрдээбитэ.

Н. Д. Семенов[уларыт | биики-тиэкиһи уларытыы]

А. К. Чиряев[уларыт | биики-тиэкиһи уларытыы]

И.И. Шамаев[уларыт | биики-тиэкиһи уларытыы]