Петрова Тамара Ивановна

Бикипиэдьийэ диэн сиртэн ылыллыбыт
Перейти к навигации Перейти к поиску
Петрова Тамара Ивановна

Петрова Тамара Ивановна - саха тылын чинчийээччитэ, педагогическэй наука хандьыдаата, СГУ бэрэппиэссэрэ, CӨ үөрэҕириитин үтүөлээх үлэһитэ, норуот үөрэҕириитин туйгуна, биллиилээх общественнай диэйэтэл.

Үөһээ Бүлүүгэ Өргүөт нэһилиэгэр кулун тутар 5 күнүгэр 1934 сыллаахха төрөөбүт.

1947 с. Тойоку 7 кылаастаах оскуолатын бүтэрбитэ.

1948-51 сс. Үөһээ-Бүлүү орто оскуолатын бүтэрбитэ.

1951-55 сс. Якутскайдааҕы пединститут, нуучча тылын саха оскуолатыгар үөрэтии салаатын (РОЯШ ЯГПИ) устудьуона.

1955-71 сс. Үөһээ-Бүлүүгэ Маҥаас 7-кылаастаах, Тойоку 8 кылаастаах, Нам орто оскуолатын нуучча тылын учуутала.

1971-82 сс. МП РСФСР национальнай оскуоланы НЧИ Саха сиринээҕи филиалыгар младшай научнай сотрудник.

1982-92 сс. ЯРИУУ алын кылаас методиһа; нуучча тылын хаапыдыратын старшай преподаватель.

1992-96 сс. CӨ Үөрэҕин министерствотын үөрэх-методика салаатын начальнига, кылаабынай специалииһа.

1996-2006 сылтан СГУ саха тылын уонна култууратын факультетыгар доцент; стилистика уонна тылбаас хаапыдыратын профессора.

Үлэтэ[уларыт | биики-тиэкиһи уларытыы]

Тамара Ивановна үлэлээбит олоҕор 5 түһүмэҕи бэлиэтииллэр. Бастакы - саха тыатын оскуолатыгар нууччалыы билбэт оҕолорго нуучча тылын үөрэтии (17 сыл). Иккис - төрүт оскуолалар үнүстүүттэригэр үлэтэ (11 сыл). Үһүс - учууталлар таһымнарын үрдэтэр үнүстүүккэ үлэтэ (12 сыл). Төрдүс - оскуолаҕа төрүт тылынан үөрэтии кэнсиэпсийэтигэр үлэ (5 сыл). Бэһис - үнүбэрсиэккэ үлэтэ - тыл култууратын, саха тылын истиилин чопчулуур чинчийэр уонна устудьуоннары үөрэтэр үлэтэ (1994 сылтан).

Тамара Ивановна сүүстэн тахса ноуучнай уонна методическэй үлэлэр ааптардара[1]. Саха араадьыйатыгар хас да сыл тухары тыл култууратыгар аналлаах биэриини ыыппыта.

Тамара Ивановна тылбаасчыт быһыытынан 1. Икки тылынан "П.А. Ойунский. Новые переводы стихотворений" (2003) 2. Улуу Кыайыы 60-сааһыгар аналлаах "Любимые наши песни"/ "Тапталлаах ырыаларбыт" (2005) 3. Иван Гоголев, Леонид Попов, Илья Ча5ыл5ан үбүлүөйдэригэр аналлаах тылбаастар 4. Биэс тылынан тылбаастаммыт Виталий Власов хоһооннорун уонна ырыаларын хомуурунньуга "Боотур Ууспун" (2008) 5. "Манаас" кыргыз омук улуу айымньыта (2014)

Быһаарыылар[уларыт | биики-тиэкиһи уларытыы]

  1. "Ийэ тыл" көҥүл түмсүү 12 сыла. Эрэдээктэр Т.И. Петрова, Дьокуускай, 2007