Пестряков Петр Петрович

Пестряков Петр Петрович

Пестряков Петр Петрович — Саха үтүөлээх артыыһа, Уус-Алдан улууһун бочуоттаах олохтооҕо.

1944 сыл ахсынньы 23 күнүгэр Кэбээйи оройоуонун Кэбээйи сэлиэнньэҕэ сулууспалаах дьиэ кэргэнигэр төрөөбүт. Илин Сибиирдээҕи судаарыстыбаннай культуура институутун (Улан-Үдэ) театральнай режиссерскай салаатын 1972 с. бүтэрбит.

1974 с. Москубаҕа ГИТИС иһининэн Үрдүкү режиссердар куурустарын бүтэрбит
1972—1974 сс. — «Чороон» бөлөх дириэктэрэ, художественнай салайааччыта.
1974 с. — V Бүтүн сойуустааҕы эстраада артыыстарын куоҥкурсун дипломаана.
1974—1976 сс. — Саха сиринээҕи концертыыр-эстрада бюротун художественнай салайааччыта.
1976—1979 сс. Саха сиринээҕи концертыыр-эстрада бюротун артыыһа.
1977 с. — VI Бүтүн сойуустааҕы эстраада артыыстарын куоҥкурсун лауреаата, бастакы бириэмийэ.
1978 с. — Саха хомсомуолун «Лучший дебют» бириэмийэтин лауреаата.
1979—1981 сс. — Саха судаарыстыбаннай филармониятын дириэктэрэ.
1981-83 сс. — Саха сирин судаарыстыбаннай үнкүү ансаамбылын дириэктэрэ.
1981 с. Судаарыстыбаннай эстрада-цииркэ искусствотын училищатыгар саха студиятын тэрийэр. о
1981 с. кыраныысса таһыгар улахан тирааһынан афишалары уонна буклеттары бэчээттэппит.
1976 с. Германия Демократическай республикатыгар ССРС култууратын уонна искуствотын күннэригэр кыттыбыт.
1977—1982 сс. Монголияҕа ССРС уонна Саха сирин култууратын уонна искуствотын күннэригэр кыттыбыт.
1981 с. Канаадаҕа уонна 1984 с. Румынияҕа «Человек и его мир» быыстапкаҕа.
1991 с. Японияҕа култуура үлэһиттэрин делегациятын баһылаан илдьэ сылдьыбыт.
1991—1993 сс. — «Сахаконцерт» солбуйааччы дириэктэрэ.
1993—1996 сс. — «Сахаконцерт» артыыһа.
1996—1997 сс. — «Наара суохтар» театр художественнай салайааччыта.
1997 сылтан — «Наара суохтар» театр артыыһа.

Петр Пестряков элбэхтик Москваҕа, Ленинграадка буолбут улахан концентарга, Киин телевидение уонна Бүтүн сойуустааҕы радио биэриилэригэр элбэхтэ кыттыбыта.

Пестряков П. П. туһунан ахтыы кинигэтэ 2014 сыллаахха 70 сааһа туоларыгар күн сирин көрбүтэ. Кинигэни бииргэ төрөөбүт быраата Филипп Петрович Пестряков хомуйан оҥорбута.

Аатын үйэтитии

2025 сыл муус устар 1 күнүгэр Дьокуускай куорат уокуругар киирэр Пригороднай бөһүөлэккэ Петр Пестряков аатынан уулусса үөрүүлээх быһыыга-майгыга аһыллыбыта.

Ылыллыбыт сирэ

Ырыа кырдала