Пестряков Иннокентий Юрьевич

Бикипиэдьийэ диэн сиртэн ылыллыбыт
Перейти к навигации Перейти к поиску

Пестряков Иннокентий Юрьевич (19.07.1962—06.05.2004) — саха худуоһунньуга, тыйаатыр үлэһитэ, суруналыыһа.

Олоҕун олуктара[уларыт | биики-тиэкиһи уларытыы]

  • 1962 сыллаахха от ыйын 19 күнүгэр Нам оройуонун Хатырык с. төрөөбүт. Аҕата Юрий Петрович колхуостаах, ийэтэ Мария Степановна балыыһа үлэһитэ. Иннокентий ыал улахан уола этэ. Былыргыны сэргииригэр улахан сабыдыалы эбэтэ Харитина Кононовна Старостина оҥорбут буолуохтаах диэн сабаҕалыыллар. 1977 сыллаахха Нам музыкальнай оскуолатын художественнай кылааһын бүтэрбитэ.

1981 сыллаахха Граф биэрэгинээҕи профтехучилищены бүтэрбит. 1982-1984 сылларга аармыйаҕа сулууспалаабыта (бу сылдьан дьонугар хоһоонунан сурук суруйар дьээбэлээх эбит [1]).

  • Хабаровскайдааҕы культура уонна искусство институтугар, ол кэннэ Хабаровскайдааҕы физкультура институтугар үөрэммит.

Уссурийскай заповедникка егердии, Сахалииҥҥа балык собуотугар үлэлии сылдьыбыт кэмнэрдээх этэ. Биробиджааннааҕы драма тыйаатырыгар сценограбынан уонна режиссерунан үлэлээбитэ. Шолом Алейхем «Фрейлехс» уонна Исаак Бабель «Одесские истории» испэктээктэрин иһин Арассыыйа тыйаатырдарын бэстибээлин лауреата буолбута.
Дойдутугар төннөн кэлэн баран уруһуй учуутала, култуура дьиэтин дириэктэрэ, Нам оройуоннааҕы култууратын салаатын мэтэдииһэ, Саха тыйаатырыгар бутафор буола сылдьыбыта.
«Эдэр саас», «Саха сирэ», «Киин куорат» хаһыаттарга худуоһунньук-иллюстратордаабыта. Саха сирин устуоруйатыгар анаан оҥорбут «Маһары Бозеков нуучча ыраахтааҕытыгар», «Лөгөй нуучча хаһаахтарын көрсүүтэ», «XX үйэ саҕаланыытынааҕы Дьокуускай. Троицкай собуор», «Эргэ куоратынан дьаарбайыы» сиэрийэтэ хрестоматия суолтатын ыллылар[2].

  • 1999—2004 сс. — Арктическай государственнай культура уонна искусство институтугар үөрэммит.

РФ суруналыыстарын чилиэнэ.

Наҕараадалара уонна ытык ааттара[уларыт | биики-тиэкиһи уларытыы]

  • Борис Васильев аатынан суруналыыстар бириэмийэлэрин лауреата (1997)
  • Саха Өрөспүүбүлүкэтин бастакы президенэ М. Е. Николаев бириэмийэтин стипендиата (2000)

Сигэлэр[уларыт | биики-тиэкиһи уларытыы]

Быһаарыылар[уларыт | биики-тиэкиһи уларытыы]

  1. Чулуу худуоһунньук Иннокентий Пестряков кэриэһигэр. Пестрякова Наташа (Аммосов ааҕыылара, Нам, 2009)
  2. Саха сирин култууратын уонна ускуустубатын энциклопедията. Дь. Бичик, 2011