Парников Карл Карлович

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Парников Карл Карлович - Аҕа дойду Улуу сэриитин кыттыылааҕа.

Парников Карл Карлович 1910 сыллаахха төрөөбүтэ. Бииргэ төрөөбүт 3 этилэр: кини ыал улахан оҕото эбит, онтон быраата, балта. Онтон 1941 сыллаахха хос эһэм Парников Карл сэриигэ барарыгар хос эбэм 2 оҕолоох уонна үһүс о5отун оҕолоноору хаалбыт. Хос эһэм 1941 сыллаахха бастакы хомуурга барбыт. Бастаан Иркутскай куоракка кавалерийскай куурустарга үөрэммит, онтон Ленинградскай фроҥҥа тиийбит. Кэлин 3-с Белорусскай фроҥҥа сэриилэспит. Ол сылдьан Кенинсберг, Прага куораттары босхолуурга кыттыбыт. Онтон Берлиҥҥэ тиийбит уонна кыайыы параадыгар кыттыбыт. Сэриигэ хаста да бааһырыы ылбыт: өттүгүн уӊуоҕун оскуолкаҕа үлтү тэптэрэн уӊа атаҕа арыый кылгас буолбут, эбиитин өссө контузияламмыт. Хос эһэм сэрииттэн күһүн 1945 сыллаахха төннөн кэлбит. Хорсунун иһин элбэх мэтээллээх, орденнаах эбит.

Сэрии кэнниттэн хос эһэм эбэбинээн колхозтарга үлэлээбит. Сайынын от оҕустарар, кыһынын Ааллаах Үүҥҥэ таһаҕас таһарга сылдьыбыт. Ол сылларга бастыҥ от оҕустарааччы аатын ылан, „Кыым“ хаһыакка тахсыбыт. Кэнники сылларга тутууга улэлээбит. Ол саҕана саҥа начаалынай оскуоланы, спортсаалатын уонна элбэх олорор дьиэлэрин тутуспут. Баайбыт аттара республика рекордсменнара буолбуттара. Кэнники мин эһэм аҕатын туйаҕын хатаран сылгыһытынан өр сылларга үлэлээбитэ. Хос эһэм Наахара нэһилиэгэ сайдарыгар элбэх өҥөлөөх киһи буолар, сүрдээх элэккэй, сымнаҕас майгылаах киһи эбитэ үһү. Улэтигэр эппиэтинэстээхтик сыһыаннаһара дииллэрэ. Кини аатын ааттатар, олоҕун салгыыр 19 сиэннээх, 24 хос сиэннээх.