Остеопатия

Бикипиэдьийэ диэн сиртэн ылыллыбыт
Перейти к навигации Перейти к поиску

Остеопатия (от др.-греч. ὀστέον — кость + πάθος — болезнь, заболевание) - ыарыы бастакыннан көбөтөр дьайыыннан остеопатическай дисфункцияны көрөр альтернайтивнай мэдиссиинэ систиэмэтэ.

Остеопат[уларыт | биики-тиэкиһи уларытыы]

Остеопат идэтин бигэргэтии туһунан бирикээс 2012 сыл ахсынньы ый 20-с күнүгэр Российскай Федерация доруобуйа харыстабылын министиэристибэтин иһинэн тахсыбыта.

Бу идэ биһиги дойдубутугар соторутааҕыта үлэлээн эрэр уонна түргэнник сайдан, тэнийэн, ситиһиилээхтик эмтиир буолан дьон болҕомтотун сэҥээрдэр буолла.

Ыарыы профилактиката[уларыт | биики-тиэкиһи уларытыы]

Остеопат быраас ыарыы үөскээбит сүрүн биричиинэтин чуолкайдаан булан ылан, чопчу ону эмтиир, онтон традиционнай мэдиссиинэҕэ үксүн симптомнарын эмтиибит. Ол иһин ыарыы дьиҥ биричиинэтэ ааспат, сүгүн утуөрбэт, кэлин хат көбөн тахса турар буолуон сөп. Ол холобурун саҥа төрөөбүт кыра оҕолорго көрүөххэ соп. Оҕо төрүүрүгэр эбэтэр ийэ иһигэр сылдьан ылбыт компрессиялара, травмалара кэмигэр эмтэниллибэтэҕинэ, кэлин биллэн тахсан доруобуйатыгар охсор. Төбө эчэйиитэ кэлин тымыр, ньиэрбинэй систиэмэ ыарыыларыгар тириэрдэр кутталлаах. Ону таһынан, тоноҕоскун уларытар, сколиозка тириэрдэр, сирэй уҥуохтарын кытта уларытар. Ол иһин оҕо төрөөтүн кытары остеопат быраас көрөрө наадалаах. Ол ыарыы профилактиката буолар.

Организм ыарыыны утары охсуһар[уларыт | биики-тиэкиһи уларытыы]

Остеопатическай ньымаҕа илиинэн сымнаҕастык үлэлээн, киһи организма бэйэтэ ыарыыны утары охсуһар күүһүн тилиннэрэр, күүһүрдэр, доруобуйаны көннөрөр бэйэтэ туспа философиялаах. Ол ис хоһооно тугуй диэн ыйытыыга:

1. Ол аата, организм биир бүтүн сибээстээх систиэмэ, бары уорганнар, илииҥ-атаҕын, төбөҥ анатомията тугу оҥороро барыта биир ситимнээх (функцията).

2. "Структура управляет функцией, а функция управляет структурой". Холобур, биир тоноҕоһун сыыһа турар буоллаҕына, тоноҕос эрэ ыалдьар буолбатах, быччыҥыҥ күүрэр уонна атын тоноҕос хамсыырыгар эмиэ дьайар. Салгыы атын уорганнары эмиэ ыарыыга тиэрдэр. Эбэтэр биир уорган күүскэ үлэлиир буоллаҕына формата уларыйыан сөп уонна аттынааҕы уорганнарга эмиэ куһаҕан өттүнэн дьайар.

3. Олох - бу хамсаныы. Биһиги эппитигэр-хааммытыгар барыта хамсыыр: хаан, лимфа, тыҥа, үөс тардар, ис уорганнарыҥ, сүрэх уо.д.а.

4. Артерия уонна ньиэрбэ үчүгэйдик үлэлиэхтээх.

5. Ньиэрбинэй систиэмэ сүрүн регуляциялыыр систиэмэ. Өскөтүн мэйии хаанын эргиирэ мөлтөөтөҕүнэ туох-баар систиэмэлэргэ барытыгар дьайар. Ол курдук, өй үлэтигэр, хамсаныы, ис уорганнаргар.

6. Киһи организма бэйэтэ бэйэтин үтүөрдэр систиэмэ. Остеопат быраас онно көмө буолар.

Ньымалар[уларыт | биики-тиэкиһи уларытыы]

Билигин остеопатия сайдар, саҥа ньымалары булан иһэр, мэдиссиинэ наукатын саҥа кэскиллээх салаата. Билигин кини ньымаларын реанимацияҕа кытта тутталлар, ол эбэтэр комаҕа сытар ыарыһахтарга, төбөҕө хаан туруутугар, тыҥа улаханнык тымныйыытыгар (пневмония). Ол ньымалар традиционнай мэдиссиинэни кытары дьүөрэлэһэн, ыарыһах түргэнник үтүөрэригэр кыах биэрэллэр. Бу эмтиир ньыма эрэ буолбатах, ыарыыны сэрэтэр ньымаҕа эмиэ киирсэр. Организм үтүөрэр кыаҕын, иммунитеты үрдэтэр, нууччалыы эттэххэ, нетравматичнай, антистрессовай миэтэт.

Туһаныллыбыт литература[уларыт | биики-тиэкиһи уларытыы]

Михайлов Г.Ф. - Дьулҕан "Тымыр ыарыылара: Гипертония. Атеросклероз. Инсульт.". Компания "Дани-Алмас", 2017.-80 с.

https://ru.wikipedia.org/wiki/%D0%9E%D1%81%D1%82%D0%B5%D0%BE%D0%BF%D0%B0%D1%82%D0%B8%D1%8F