Никонов Владимир Николаевич

Российскай Федерация борокуратууратын бочуоттаах үлэһитэ. Саха Өрөспүүбүлүкэтин үтүөлээх юриһа. 3 кылаастаах юстиция судаарыстыбыннай сүбэһитэ.

Олоҕун олуктара

Никонов В.Н. Саха АССР Үөһээ Бүлүү оройуонун Үөһээ Бүлүү сэлиэнньэтигэр 1961 сыллаахха муус устар 24 күнүгэр төрөөбүт.
1988 с. Свердловскайдааҕы юридическай үнүстүүтү бүтэрбит, баһылаабыт идэтэ правоведение.
1988-1992 сс. - Саха Өрөспүүбүлүкэтин Өймөкөөн оройуонун уонна Дьокуускай куорат борокуратууратын силиэстийэлээччитэ;
1992-1994 сс. - Саха Өрөспүүбүлүкэтин Өлөөн оройуонун борокуруора;
1994-1996 сс. - Саха Өрөспүүбүлүкэтин Ил Түмэнигэр юридическай салаа сүрүн специалиһа;
1996-1997 сс. - Саха Өрөспүүбүлүкэтин Нерюнгри оройуонун борокуруорун солбуйааччыта;
1997-2010 сс. - Саха Өрөспүүбүлүкэтин борокуруорун көмөлөһөөччүтэ, аҕа көмөлөһөөччүтэ, солбуйааччыта, бастакы солбуйааччыта;
2010-2012 сс. - Архангельскай уобаласка Ненецкэй автономнай уокурук борокуруора;
2012 с. Саха Өрөспүүбүлүкэтин Конституционнай суутун судьуйатынан талыллыбыт;
2014 сыл от ыйын 11 күнүгэр Саха Өрөспүүбүлүкэтин судьуйаларын квалификационнай кэллиэгийэлэрин бэрэссэдээтэлинэн талыллыбыт;
2015 с. Российскай Федерация Генеральнай борокуруора Коми Өрөспүүбүлүкэтин борокуруорун солбуйааччытынан, юстиция 3 кылаастаах сүбэһитинэн анаабыт.
Кэргэннээх, үс оҕолоох.

Наҕараадалара

Российскай Федерация борокуратууратын бочуоттаах үлэһитэ. Саха Өрөспүүбүлүкэтин үтүөлээх юриһа. «За безупречную службу» диэн түөскэ анньыллар бэлиэлээх.

Библиография

Русско-якутский юридический словарь, Дьокуускай, Бичик-2000 с. Алексеев Борис Николаевиһы кытта соавтор.

Сайт

https://ks.sakha.gov.ru/sudi-v-otstavke#:~:text=Никонов%20Владимир%20Николаевич%20был%20назначен,В%201988%20г Архыыптаммыт 2021, Балаҕан ыйын 24 күнүгэр..