Николай Уус
Борисов Николай Федорович (Николай Уус) — суруйааччы, Российскай Федерация үтүөлээх юриһа.
Олоҕун олуктара
[уларыт | биики-тиэкиһи уларытыы]- 1932 сыллаахха ахсынньы 20 күнүгэр Мэҥэ-Хаҥалас улууһун Дьабыыл нэһилиэгэр төрөөбүтэ.
- 1961 с. — Томскайдааҕы государственнай университет юридическай факультетын бүтэрбитэ.
- Үлэлээбит идэлэрэ: зоотехник, следователь, прокурор көмөлөһөөччүтэ.
- 1972—1988 сс. — Саха АССР прокурорун солбуйааччыта.
- 1988 сылтан — Главнай государственнай арбитр, Саха Өрөспүүбүлүкэтин Үрдүкү арбитражнай суутун Бэрэссэдээтэлинэн талылла сылдьыбыт.
- 1993 с. — Саха Өрөспүүбүлүкэтин суруйааччыларын чилиэнэ.
- Саха Өрөспүүбүлүкэтин Ытык Сүбэтин президиумун чилиэнэ. Саха Өрөспүүбүлүкэтин ааһыныы боппуруостарыгар хамыыһыйатын бэрэссэдээтэлэ, Ис дьыала миниистирин сүбэтин чилиэнэ.
Айар үлэтэ
[уларыт | биики-тиэкиһи уларытыы]Бастакы кэпсээнэ «Өймөкөөн тыатыгар» 1979 сыллаахха «Хотугу сулус» сурунаалга тахсыбыт. Онтон ыла 20-чэ кинигэлэри айан бэчээттэппит.
Наҕараадалара уонна ытык ааттара
[уларыт | биики-тиэкиһи уларытыы]- Российскай Федерация үтүөлээх юриһа
- Саха Өрөспүүбүлүкэтин үтүөлээх юриһа
- Милиция туйгуна
- Юриспруденция бэтэрээнэ
- Бочуоттаах меценат
- Саха Өрөспүүбүлүкэтин ытык киһитэ[1] (2001)
- Мэҥэ-Хаҥалас улууһун ытык киһитэ[2] (2002)
Библиография
[уларыт | биики-тиэкиһи уларытыы]- Ытыллыбыт буулдьа: Кэпсээннэр. — Дь.: Кинигэ кыһата, 1984. — 104 с.
- Эргэ саа: Кэпсээннэр. — Дь.: Кинигэ кыһата, 1987. — 136 с.
- «Манчаары Баһылай — юрист көрүүтүнэн: докумуоҥҥа олоҕурбут сэһэн». — Дь.: «Медиа-холдинг», 2012.