Неустроев Михаил Дмитриевич

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Неустроев Михаил Дмитриевич - Аҕа дойду сэриитин кыттыылааҕа.

Михаил Дмитрьевич Неустроев 1915 сыллаахха алтынньы 15 күнүгэр Боотуруускай улууһун Сүпсүк нэһилиэгэр төрөөбүтэ. Кини Дьокуускайдааҕы пединститукка үөрэммитэ уонна 1936-37 сылтан педагогическай үлэтин Амма сэттэ кылаастаах оскуолатыгар ахсаан учууталынан саҕалаабыта.

1943 сыл бэс ыйын 24 күнүгэр оскуолаҕа директордыы олорон военкомакка ыҥырыллыбыта. Сэрии бүппүтүн кэннэ учууталлары инники ыыталаабыттар. Ол эрээри справката хойутаан тиийэн 1946 сыл атырдьах ыйыгар бурдук быһа сырыттахтарына кэлбит. Онтон ыла 1988 сылга диэри 51 сыл устата биир оскуолаҕа үлэлээбитэ. Сиэнин ахтыытыттан:

Эһээбит үөрэнээччилэрэ кинини сымнаҕас майгылаах, эйэҕэс учуутал быһыытынан сыаналыыллар эбит.​ Үөрэх дьыла бүтүүтэ хас биирдии үлэһиккэ характеристика суруллар эбит. Биһиги эһэбит характеристикатыттан быһа тардан аахтахха Общественник, массовик, активист и инициатор в духе коммунистическом воспитании учащихся. Имеет хорошее, вежливое отношение с учителями и учащимися. Имеет большую склонность и талантливость в педагогической специальности…

Бочуоттаах гражданин

1938 сыллаахха хос эбэбит Төлөйтөн төрүттээх Дьячковская Мария Федоровналыын дьылҕаларын холбоон 50 сыл устата иллээхтик, эйэлээхтик 8 оҕону төрөтөн, улаатыннаран үлэһит оҥорбуттара.

Хос эһэм 21 сиэннээх, 37 хос сиэннээх, 11 хос-хос сиэннээх. Эһэм суолун утумнаан учуутал буолбут аймахтарбын үөрэттим.

Учуутал буолбут оҕолоро[уларыт | биики-тиэкиһи уларытыы]

1. Неустроев Виталий Михайлович – 1963с. СГУ-ну бүтэрэн нуучча тылын, литературатын идэтин ылбыта. Амма, Хадаар, Сылан, Чурапчы алын сүһүөх учууталынан, директорынан үлэлээбит. Туйгун категориялаах директор, РСФСР норуотун үөрэҕириитин туйгуна, СР үтүөлээх учуутала. Педстаж 40 сыл. 2. Сысолятина Матрена Михайловна – Бүлүүтээҕи педучилищены, Магадааннааҕы пединституту бүтэрбитэ. Начальнай кылаастарга 40-тан тахса сыл үлэлээбитэ. Үрдүк категориялаах методист учуутал. РСФСР, ССРС норуотун үөрэҕириитин туйгуна. Первая моя учительница знагынан наҕараадаламмыта. 3. Неустроев Николай Михайлович – 1975с. Якутскайдааҕы педучилищены физкультурнай отделениетын бүтэрбитэ. Амма, Чурапчы орто оскуолаларыгар физкультура учууталынан 10 сыл үлэлээбитэ. 4. Сысолятина Валентина Михайловна – 1989с. Томскайдааҕы государственнай университет математическай факультетын бүтэрэн, математика учууталынан 30-ча сыл үлэлээбитэ. Уонна 2 кийиитэ 1. Неустроева Мария Дмитрьевна – Бүлүүтээҕи педучилищены бүтэрэн, начальнай кылаас учууталынан 40-ча сыл үлэлээбитэ. РСФСР норуотун үөрэҕириитин туйгуна. Урааҥхай саха оҕото программа уонна пособие автора. 2. Неустроева Дария Устиновна – 1983с. Иркутскайдааҕы институт омук тылын факультетын бүтэрэн, французскай тыл учууталынан 20-чэ сыл үлэлээбитэ. СР үөрэҕириитин туйгуна.

Учуутал идэтин баһылаабыт сиэттэрэ[уларыт | биики-тиэкиһи уларытыы]

1. Пестерева Марина Егоровна – СВФУ пединститут дошкольнай педагогикатын салаатын бүтэрбитэ. Ымыы уһуйаан методиһынан өр сылларга үлэлээбитэ, билигин эбии үөрэхтээһин салайааччыта. СР үөрэҕириитин туйгуна. 2. Неустроев Сергей Витальевич – ЧГФКИС физкультурнай салаатын бүтэрбитэ. 3. Павлова Елена Сергеевна – СВФУ культурологияҕа салаатын бүтэрбитэ. 4. Павлова Майя Сергеевна – Бүлүүтээҕи педучилищены, Якутскайдааҕы педакадемияны бүтэрэн начальнай кылаас учууталынан үлэлээбитэ 16 сыл буолла. 5. Неустроева Елизавета Николаевна – СВФУ математическай факультетын бүтэрбитэ. 6. Неустроева Саргылана Витальевна – Санкт-Петербургтааҕы Герцен аатынан университет нуучча тылын факультетын бүтэрбитэ. Туйгун категориялаах нуучча тылын, литературатын учуутала.

Хос сиэттэрэ[уларыт | биики-тиэкиһи уларытыы]

1. Сысолятин Иннокентий Александрович – Якутскайдааҕы индустриальнай колледжы бүтэрбитэ. Ожулун нэһилиэгэр мастер производителинэн 4 сыл үлэлээбитэ. 2. Пестерев Павел Александрович – ЧГИФКИС – физкультурнай салаатын бүтэрбитэ. 3. Пестерев Тимур Александрович – ЧГИФКИС физкультурнай салаатын бүтэрбитэ. 4. Неустроева Айсена Сергеевна – СВФУ омук тылын салаатын бүтэрбитэ.

Учуутал идэтин баһылаары үөрэнэ сылдьар хос-хос сиэттэрэ[уларыт | биики-тиэкиһи уларытыы]

1. Павлова Анита Михайловна – СВФУ пединститут начаальнай кылаас учууталыгар 1 курска үөрэнэ сылдьар. 2. Павлов Сергей Александрович – Нерюнгритааҕы ЮЯТКолледжка физкультура учууталыгар 1 курска үөрэнэ сылдьар.

Ырытан көрдөххө аҕаларын, эһэлэрин суолун батыһан 4 оҕото, 2 кийиитэ, 6 сиэнэ, 4 хос сиэнэ, 2 хос-хос сиэннэрэ учуутал идэтигэр үөрэммиттэр, үөрэнэллэр. Онтон 3 сиэнэ, 1 хос сиэнэ билигин учуутал бочуоттаах аатын ылан үлэлии сылдьаллар. Хос эһэбиттэн саҕалаан учууталлыыры 4 көлүөнэ салгыыр эбит. Барыта 340 сыл оҕону иитиигэ-үөрэтиигэ дууһаларын уурбут учууталлар, 2010 сылга ылбыт Неустроевтар педагогическай династиялара знагтарын салгыыллар.